LEWE NA APARTHEID: LIDMATE SE NARRATIEWE VANUIT 'N ...

Hoofstuk 2: Die oorsprong van die apartheidsverhaal
p61
2. Die agtergrond en oorsprong van die beleid van apartheid
Natuurlik is die ontwikkeling van 'n politieke sisteem soos apartheid ʼn
komplekse saak. Dit word oor geslagte heen deur baie faktore gevorm
(Müller 2000a:22).
Die agtergrond en oorsprong van apartheid is hoofsaaklik bespreek tydens die eerste
twee ontmoetings in die groep. Tydens hierdie byeenkomste is bespreek hoe apartheid
in wit Afrikaners se lewens gekom het. Ons het ons eie ervarings bespreek en hoe ons
gedink het swart mense dit ervaar het. Alhoewel die tema van die derde en vierde
gespreke hoofsaaklik die ervaring van die swart mense was, onthul dit ook ’n klomp
van ons eie sentimente. Dit sal duidelik wees dat daar oor sekere sake baie
ooreenstemming was, terwyl ander redelike ernstige verskille van mening tot gevolg
gehad het.
Die lewe in apartheid Suid-Afrika speel af teen ’n agtergrond van een groot metanarratief.
Hierdie enkele diskoers domineer elke aspek van die privaat en die openbare
lewe. Gordin (1998:302) beskryf wat hy noem “apartheid’s central message” in hierdie
woorde: “blacks are different, other, and, of course, inferior. Ergo, their lives are
cheaper.” Daar is min blanke Afrikaners wat grootgeword het ná 1948 wat hierdie
boodskap kon vermy. Die baie bekende opponent van apartheid Dr. Beyers Naudé
(aangehaal in Villa-Vicencio & Niehaus 1995:21) sê self: “Segregation was the
acceptable order of the day. Most whites saw it as the most natural way of relating to
blacks.”
Die praktyk van hierdie beleid word goed deur die geskiedskrywer Stavrianos
(1982:478) beskryf as hy sê:
Apartheid involves two basic policies: the exclusion of all nonwhites
from any share in political life; and the confinement of Africans to
separate areas known as Bantustans, or preserves for the ‘Bantu,’ as
the Africans have been known. These Bantustans comprise only 14
percent of South Africa’s land, while the Africans are 71,3 percent of
South Africa’s total population of 26 million (1980). The whites, by
contrast, are only 16,5 percent, and the Afrikaners are a minority of
two-fifths within the white minority.