LEWE NA APARTHEID: LIDMATE SE NARRATIEWE VANUIT 'N ...

Bylaag 6: Gesprek 6 (27 Oktober 1998)
p496
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
image of God. Dit is interessant, die swartmense met wie ek praat, dit is van die eerste
dinge wat hulle opper. Ek het verlede week met 'n man van Sanlam gepraat, mnr PM,
hy is seker naby sy 60's. Hy het ook gesê apartheid het twee groepe mense geskep,
mense en minder mense, mense en nie-mense. Dit is wat die kerk nou sê, hierdie
uitgangspunt dat sommige mense minderwaardig is, dit is verkeerd.
Mike: Dit is basies wat ek wil sê, of probeer sê, om apartheid wetgewing te maak, het jy
dinge op mense afgeforseer, wat hulle normaalweg dalk nie sou doen nie, maar onder
die dekmantel van apartheid het hulle 'n verskoning gehad om dit te regverdig. Dit is
hoekom ek sê apartheid homself, die hele beleid van aparte ontwikkeling was uit
verband uit geruk met die apartheidsbeleid wat toe ontstaan het. Ek dink nie in die
begin was die idee heeltemal om mense totaal af te breek en te vernietig nie. Ek dink
nie ons voorouers was almal sulke wrede mense nie, ek dink apartheid het ontstaan uit
'n idee vir aparte ontwikkeling, en dis toe misbruik deur politici en allerhande mense en
wat die NG kerk nou sê, is dat wat apartheid voor gestaan het, was sonde.
Ben: Daar was darem vreeslik baie wreedhede, wat ons as gewone mense nie van
geweet het nie, verskriklike ongeregtigheid.
Mike: Van alle kante af.
Elsa: Behalwe die dade wat daar nou gebeur het, Mike sê nou apartheid op sigself is
nie sonde nie, maar apartheid soos wat dit hier in ons land voorgekom het, dit was nie
bloot net groepvorming nie, die was nie net elke groep hou hom by homself nie. Ons
het die mense basiese menseregte ontneem in hierdie land, hulle het geen sê gehad in
hierdie land nie, en as dit nie sonde is nie… Dit sê mos die mens is minder as ons, wat
hy mag nie sê nie. So ek het regtig nie 'n probleem hiermee dat apartheid sonde is nie,
ek bevestig dit heelhartig.
Albert: 'n Vinnige woordjie tussenin. Wat baie na aan die kern van die saak kom, is die
vraag moet 'n mens praat van "anderskleuriges" of "anderkleuriges". Daar was 'n groot
debat 'n paar jaar gelede. Watter woord gebruik julle?
Karin: Ons gebruik nie meer die woord nie.
Albert: Die interessante is ons het tradisioneel gepraat van anderskleuriges, daar was
op 'n stadium 'n sterk oorweging vanuit die swart geledere dat ons moet wegkom