LEWE NA APARTHEID: LIDMATE SE NARRATIEWE VANUIT 'N ...

Hoofstuk 1: Apartheid onder die loep geneem
p39
institution understand and operates in a normative way.” Hierdie kategorieë en
konsepte wat gebruik word om die waarheid te interpreteer ondergaan 'n verskuiwing.
Daarom kan Louw (1997:22) sê: “Tans opereer daar ander verstaans-kategorieë in
terme waarvan ook die God-mens-verhouding geïnterpreteer word.”
Die verhouding God-mens word al minder in ontologiese terme beskryf. Die verskil
tussen God en mens, die andersoortigheid in terme van synskategorieë wat poog om
menslike probleme te verklaar, maak plek vir ’n hermeneutiese paradigma. Dit beteken
dat pastoraat al minder probeer om probleme te verklaar, maar eerder fokus op
verheldering en verstaan van hierdie probleme. Die hermeneutiese paradigma wil
mense “die sin en betekenis van die God-mens-verhouding laat ontdek” (Louw
1997:22). Hierdie aanpak fokus dus nie op verklaar nie, maar op die ontdek van sin.
Die derde verskuiwing is weg van die sogenaamde verkondiging na vertolking en
storievertelling (Louw 1997:23). Die kerugmatiese benadering neem as vertrekpunt die
sonde van die mens. Die antwoord vir hierdie sonde is die genade in Jesus Christus.
Die kerugmatiese pastorale sorg “konsentreer dan net op die heelmaak deur Jesus se
bloed en die mens word verskraal tot ’n objek wat besig is om verlore te gaan” (Fourie
2008:161). Hierteenoor word die taak van die pastoraat nou verstaan om God só te
vertolk dat geloof sin maak in reële kontekste. Die mens se verhaal en God se verhaal
sluit by mekaar aan. God se verhaal moet verstaan, vertolk en geïnterpreteer word in
die lig van die konkrete werklikheid waarin die mens leef en die mens se verhaal moet
gelees word in die lig van God en die evangelie. In hierdie narratiewe aanpak moet
daar ’n fusie kom tussen die Godsverhaal en die mensverhaal. Capps (1993:1)
verwoord die taak van die pastoraat as volg: om mense te help “in locating their
personal stories within the framework of the Christian story.” Die vertel van narratiewe
kom staan nou sentraal:
Narrative story is not only what is holding us together: narrative is
equally crucial in understanding human life for all that we are, and all
what we do, and all what we think and feel is based upon stories, both
our personal stories and the stories of our significant community
(Webb-Mitchell 1995:215).
Die mens se verhaal moet vertel word en gehoor word binne die Bybelse verhaal van
Jesus se kruis en opstanding. Die verhaal van oorwinning moet inspeel op die mens se
verhaal wat dikwels met die eerste oogopslag 'n verhaal van mislukking is. Gerkin