LEWE NA APARTHEID: LIDMATE SE NARRATIEWE VANUIT 'N ...

Bylaag 3: Gesprek 3 (27 Augustus 1998)
p437
327
328
329
330
331
332
333
334
335
336
337
338
339
340
341
342
343
344
345
346
347
348
349
350
351
352
353
354
355
356
357
358
359
360
361
362
Karin: Weet jy Elsa, op maatskaplike vlak is daar baie senior leiers wat baie sterk
uitkom met baie selfvertroue. Ek weet nie of ons op daai vlak anders is as julle nie,
maar en dis nie vir my of hulle minderwaardig teenoor my is nie.
Naomi: Inteendeel, party het te veel selfvertroue. Ek kry amper die gevoel dat hy voel
hy is te goed om met daai swakkeling te werk. Hetsy dit wit of swart is. Hy werk met
iemand wat op sy vlak kan kommunikeer, hy sal nie laer afgaan nie. Waar ek as
persoon nie omgee watter stand hy is nie, en watter stand hy is nie, as hy hulp nodig
het, het hy hulp nodig.
Karin: 'n Swart gestremde leier in die Goudveld area, eintlik in die hele SA, het op 'n
geleentheid gesê die swart social workers sit net in hulle kantore. Toe sê ek maar jy jok
mos nou. Toe sê hy, maar jy is nie so nie, hulle moet jou 'n ander naam gee. Toe praat
hy van Departement Welsyn se swart maatskaplike werkers wat weier om in die
makoekoes in te gaan. Ek gaan daar in. Hulle bereik daai trappie dan sien hulle self op
ander neer. Ek het 'n maatskaplike werker en 'n maatskaplike hulpwerker gehad en die
hulpwerker het partymaal baie gekla, want sy moet die gestremde wat in die huis lê
uitdra kar toe – hulle het die ander maatskaplike werker madam genoem – want
madam verwerdig haar nie om uit die kar uit te klim nie. So dit is eintlik snaaks. Ek sal
sê mens kry goeie mense wat wit is, en goeie mense wat swart is en gemengde
persoonlikhede by al die groepe.
Isak: Dit is so dat van hulle hulle nie verwerdig om te daal na 'n vlak van hulle eie
mense nie. Dit is so 'n opkomende sterk middelklas onder hulle wat besig is om uit te
styg. Jy sien hulle oral, by al die vergaderings, by al die seminare, jy sien hulle in elke
departement, veral in die staatsdiens, want dit is waar hulle rykdom, hulle welvaart lê.
Albert: Ons is dus besig om van 'n rasse stryd te skuif na 'n klasse verdeling, dat ons 'n
blanke en swart middelklas gemeng gaan hê en laer klas wat swart en blank, maar
hoofsaaklik swart gaan wees.
Hanlie: Ek sou so hoop. Maar ek wil net graag iets sê Albert: Ek dink ons is nou glad
nie meer by die onderwerp nie.
Albert: Ons is so 'n bietjie ver van die punt af, maar …