LEWE NA APARTHEID: LIDMATE SE NARRATIEWE VANUIT 'N ...

Hoofstuk 2: Die oorsprong van die apartheidsverhaal
p89
professor Van Niekerk in sy kantoor op Stellenbosch “fisiek aangerand” (Gerber, J.
2011:elektroniese bron).
Een van die jonger geslag reageer met verontwaardiging op die idee dat hy en sy
geslag skuldig moet voel vir iets waaraan hulle geen aandeel gehad het nie. Ene
corne.schutte (skuilnaam) vra, in reaksie op ʼn nuusberig oor die aanval op Van Niekerk
van Stellenbosch (Gerber, J. 2011:elektroniese bron): “waarom moet Afrikaners
aanhou om die skuld te dra vir wat Prof Anton se generasie skynbaar veroorsaak het?”
Sy gebruik van die word “skynbaar” laat die vraag ontstaan of hy werklik dink dat daar
iets is om oor skuldig te voel.
Benewens bogenoemde reaksie op die berig, was waar ook diegene wat hulle nie kon
weerhou van die banale nie. So reken jan petoors (skuilnaam) “hy moes sy keel af
gesny het”, Andrew Larson (skuilnaam) meen “Malan moes hom dood gebliksem het”
en Bump (skuilnaam) is van mening “[h]y moes harder gemoer gewees het” want
“[d]aar is nie pille vir domgeit (sic) nie jy (sic) poepol (sic).”
Die punt van kommer in al die kommentaar oor die skuldkwessie, is dat byna niemand
verwys na die werklike probleem met die beleid van apartheid, naamlik dat dit mense
hul menswaardigheid ontneem het, nie. Telkens is die fokus op die positiewe wat vir
die land en sy inwoners gekom het, of daar word blatant ontken dat enigeen benadeel
is deur apartheid. Oor die dekades-lange bevoordeling van wit mense ten koste van
swart mense word daar bykans nooit iets gesê nie.
3.1.7 Regstellende aksie
Die laaste saak wat ek hier wil aanraak oor die onsekerheid ten opsigte van die
toekoms, is regstellende aksie. Hierdie saak kom ook herhaaldelik voor in die
opvolgnavorsing. Vir baie wit mense, en veral wit mans, is regstellende aksie niks
anders as omgekeerde rassisme nie. Baie wit mense het skielik ʼn plafon bereik in hulle
loopbane en moet sien hoe ander mense wat dikwels minder bekwaam is en minder
ondervinding het bo hulle bevorder word. Hierdie tipe optrede lei tot gebrekkige
motivering en baie aanvaar by die eerste-beste geleentheid ʼn pakket sodat hulle uit ʼn
onhoudbare situasie kan wegkom. Wanneer wit Afrikaners praat oor wat in die afgelope
veertien jaar in hulle lewens gebeur het wat hulle toekoms die meeste affekteer, is