LEWE NA APARTHEID: LIDMATE SE NARRATIEWE VANUIT 'N ...

Hoofstuk 5: Die post-apartheid verhaal?
p310
Sien die NG Kerk kans om sy lidmate op dié pad te begelei? Om self
die pad te loop? Om die hand in eie boesem te steek, om sy eie
bevoorregte posisie te heroorweeg, om sy eiendomme so aan te wend
dat almal in die samelewing die voordeel daarvan trek? Om sy lidmate
aan te moedig om hulle hande ter wille van reparasie en restitusie diep
in hulle sakke te steek?
Die NG Kerk sal lidmate vanuit ʼn geloofsperspektief hieroor moet aanspreek en
begelei. Dit mag nie maar ʼn blote politieke debat wees nie. Naudé (2003:145)
onderstreep ook die punt dat die debat ʼn teologiese een moet wees. Só ʼn debat kan
volgens hom net een uitkoms hê:
We as Reformed theologians can and must therefore insist on
restorative justice in a moral and material sense... If theological
reflection does not enable restorative justice, such reflection is – in the
South African context – interesting, but worthless. If there were ever a
test case for sola gratia, this is it.
Hoe moet restitusie in die praktyk lyk? Een van die vorme waarin die regering probeer
om herstellende geregtigheid te verpak, is regstellende aksie. Selfs al sou die beginsel
reg wees, word dit nie deur alle mense verwelkom nie.
8.3 Regstellende aksie as restitusie in beginsel en praktyk
In ʼn omvattende artikel oor nasiebou, skryf Neville Alexander (2010:elektroniese bron):
“Die feit dat die apartheidregering nie [geweldadig] omvergegooi was nie, is die eintlike
rede vir die strategie van regstellende aksie.” Juis die feit dat gekies is vir ʼn ordelike
oorgang sonder geweld, noodsaak die proses van regstellende aksie. Die herverdeling
van rykdom wat in ʼn oorlogsituasie met geweld gepaard gaan, moet in post-apartheid
Suid-Afrika onderhandel en bestuur word. Hierdie tema kom wel van tyd tot tyd na vore
in die kerkgemeenskap.
ʼn Groep kerkleiers reik ʼn verklaring uit na aanleiding van die ANC se eeufeesvieringe.
Hierin spreek hulle die behoefte uit vir “closing the gap between the richest and the
poorest in South Africa.” Hulle skryf:
We have started some initiatives in this regard, where we will urge