LEWE NA APARTHEID: LIDMATE SE NARRATIEWE VANUIT 'N ...

Bylaag 17: Korrespondensie van Johan
p699
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
net hoop dat hulle geleenthede sal gegun word om ʼn bydrae te lewer tot die
ontwikkeling van ons mooi land. Indien nie is hierdie maar net nog ʼn snuifgetrapte
Afrikaland in die toekoms.
2 APARTHEID
2.1 Het jou sienings oor Apartheid verander in die afgelope veertien jaar?
Nee, inteendeel.
2.2 Hoe dink jy nou oor Apartheid?
Ek neem aan as ons praat van “apartheid” bedoel ons daardie kwetsende,
diskriminerende maatreëls waar een bevoordeel was bo ʼn ander bloot op grond van sy
velkleur. Dit was verkeerd en moes baie seergemaak het. As dit egter gaan oor die
beskerming en uitbouing van minderheidsregte dan is my siening nog dieselfde. ʼn
Reënboognasie is ʼn illusie. Daar is verskillende groepe wat afsonderlik onderskei en
gebind word deur gemeenskaplike taal, kultuur, geloof ens. Gun hulle om hulleself te
wees. Gun hulle dieselfde geleenthede in die arbeidsmark deur kompetisie gebaseer
op vermoëns en vaardighede en nie op grond van sg. “agtergeblewendheid” nie. Orals
in die wêreld word groepe se individualiteit erken sonder diskriminasie. Hoekom moet
dit hier anders wees?
2.3 Wat was volgens jou die probleem met (of die hart van) Apartheid? Wat
was die “fout” van Apartheid? Waarom het die beleid soveel weerstand ontlok?
Omdat dit mense be(ver)oordeel het op grond van velkleur. Kwetsende maatreëls van
klein apartheid het tot in die diepste deel van mense se siele seergemaak, omdat die
een groep nie die ander gegun het wat hy homself gegun het nie. Om mense
deelname aan die regering van die dag te ontse op grond van velkleur, het net haat
laat ontstaan. Die sosiale eksperiment van aparte ontwikkeling het ontaard in
apartheid. As dit by aparte ontwikkeling met gelykwaardige geleenthede gebly het, het
dit dalk nooit so seergemaak nie.
2.4 Is jy nou meer of minder rassisties as vroeër? Hoekom?
Weereens is die vraag: as ek dan nou ʼn rassis is, hoekom moet net ek verander? Is
swart mense dan nie net sulke groot rassiste nie en wat van hulle? Regstellende aksie