LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p202
van ʼn groot ongeluk en hulle het nou ʼn lys name wat daarby is.
As ek sien dit is swart name wat daar is, dan lees ek dit nie.
Op die vraag hoekom sekere mense klaarblyklik tans meer rassisties is as vroeër
antwoord Isak [16-194] so: Ons sien die effek van misdaad, korrupsie,
swak dienslewering, politici se uitsprake. Die plaasboere is
onder bedreiging en onveilig. Regstellende aksie. Van die rááksien van
hierdie probleme is dit dan ʼn kort sprong om ʼn rassistiese kleur daaraan te gee. Isak
[16-183] is nugter genoeg om raak te sien Swak dienslewering, korrupsie en
misdaad is nie ʼn ras probleem nie, dit is ʼn politieke of
werksetiek of bestuursprobleme. Want hierdie dinge is nie net
beperk tot ʼn sekere ras nie.
Dalk is daar ʼn eenvoudiger antwoord oor waarom dit lyk of mense tans meer rassisties
as vroeër is. Dalk was dit in die ou bedeling nie nodig om so uitgesproke rassisties te
wees nie, maar dit beteken nie dat rassisme nie ten minste onderliggend teenwoordig
was nie. In die tyd tussen die aanvanklike en die opvolgnavorsing, was daar verskeie
praktiese voorbeelde van openlike rassisme in Suid-Afrika. Dit is uiteraard nie moontlik
om na almal te verwys nie, daarom word volstaan met ʼn aantal uit die onlangse
verlede.
Die rassistiese gebruik van die sosiale netwerk Twitter 31 het twee skoonheidmodelle
diep in die moeilikheid gehad. Vroeg in Mei 2012 het die FHM 32 model van die jaar
2011, Jessica Leandra dos Santos, die wêreld aan die gons gehad met ʼn tweet wat lui:
“Just, well took on an arrogant and disrespectful kaffir inside Spar. Should have
punched him, should have” (John 2012:elektroniese bron). Volgens ander bronne het
sy al vantevore ʼn soortgelyke boodskap ge-tweet: "Highlight of my weekend? Almost
punching an #Engen petrol assistant. No tolerance for rude African monkeys
whatsoever!" (Mnguni 2012:elektroniese bron). Dit het nie lank geneem vir die reaksies
om in te kom nie. ʼn Ander model Tshidi Thamana het gereageer met “Dear Mr Peter
Mokaba... I wish All White People were killed when you sang ‘Kill the Boer’ we wouldn’t
be experiencing @JessicaLeanda’s racism right now *☺*”
31 Twitter is ʼn aanlyn sosiale netwerk diens en mikro-blog diens wat gebruikers in staat stel om
teksgebaseerde boodskappe van tot 140 karakters, bekend as tweets te stuur.
32 ʼn Glanstydskrif vir mans. Volgens hulle webblad (www.fhm.com) “we provide you with the very best in
men’s lifestyle with just about everything you would ever need to know or want to look at.”