LEWE NA APARTHEID: LIDMATE SE NARRATIEWE VANUIT 'N ...

Bylaag 2: Gesprek 2 (13 Augustus 1998)
p424
549
550
551
552
553
554
555
556
557
558
559
560
561
562
563
564
565
566
567
568
569
570
571
572
573
574
575
576
577
578
579
580
581
582
583
584
585
almal sê ons is nou christene, ons wil nie meer die woorde gebruik nie, dan sal ons
moet begin om soos 'n Beyers Naudé en soos 'n Max du Preez en 'n FW de Klerk en
wat ook al, sal ons baie sterker standpunt moet inneem as ons iets wil laat gebeur in
hierdie land, anders sal hy bly en hy sal erger en erger word.
Elsa: Ek besef dat dit vir jou sleg was, maar nou moet jy besef dat as 'n mens vir 50
jaar van jou lewe op 'n sekere manier gebreinspoel is, al wil jy graag anders dink, en al
wil jy graag anders optree, voor die Here sê ek ek wil nie 'n rassis wees nie, maar ek
tree nog rassisties op, omdat dit so deel van my wese al is. Ek probeer nie mense
doelbewus afkraak of so nie, maar ek doen nog sekere goed wat rassisties is. Ek besef
dit as ek dit gedoen het, maar dis nie so maklik nie. Jy is nie vandag 'n rassis en môre
nie meer nie. Dis 'n groei proses.
Hanlie: Maar jy het êrens 'n wilsbesluit geneem
Elsa: Maar dit sal geslagte lank neem om dit te doen.
Hanlie: Maar geweldig baie mense het nie daai wilsbesluit geneem nie.
Albert: Ons moet daaroor spesifiek praat, oor wat bring dan die verandering?
George: Kan 'n ou sê jy neem die besluit op 'n spesifieke dag, of is dit iets wat van
binne af in jou groei, dat jy tot daai oortuiging kom. Of gebeur dit op 'n spesifieke dag,
vandag sluit ek hierdie fase af. Ek het nie op 'n punt gekom waar ek besluit het ek dink
nou anders nie, dis 'n geleidelike proses wat jy deurgegaan het. 'n Groeiproses. Dan
kom jy agter, as ek nou terugkyk nou hoe ek nou dink en hoe ek nou voel, dan weet ek
dat dit nou anders is as wat dit in die verlede was. In aansluiting by wat Mike gesê het,
dit is 'n leefwyse waarbinne jy gekom het. Dis nie iets wat in jou gekom het nie.
Hanlie: Vir party mense is dit makliker om vinniger te verander, ander gaan 'n langer
tyd nodig hê.
George: In aansluiting by wat Hanlie gevra het, of die man nie 'n christen is nie, 'n
gedagte wat nou hierdie afgelope by my gestoei het, ten opsigte van die hele totale
opset in die land – geweld, misdaad, alles wat daarmee saamgaan, geldverduistering,
korrupsie. Ons roem daarom dat 70% van ons bevolking christene is. Nou as 70% van
ons volk oortuigde christene is, dan gaan dit nie lyk soos wat dit nou lyk nie. Daar mee