LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p189
hierdie verband het die TV-reeks 7de laan 28 waarskynlik meer gedoen as baie ander
om die verskillende rasse aan mekaar bekend te stel.
Al is apartheid as beleid iets van die verlede, is dit beslis nie dood nie.
Hieroor skryf die Christen-joernalis Linda Martindale amper tien jaar
gelede: “Apartheid, the legal system, fell. Yet the spirit of apartheid, and
its consequences, still lives on. The struggle continues for equality,
dignity, and economic justice – not only in the halls of parliament, but on
the streets of the townships where the aftershocks of decades of
injustice and exploitation are still felt on a daily basis” (Martindale
2003:elektroniese bron). Sommige mense leef in 2012 steeds asof 1994
nooit gebeur het nie.
Hanlie [12-479] maak ʼn punt daarvan dat wit mense meer moeite moet doen om die
twee wêrelde nader aan mekaar te bring en meer moet waag ter wille
van ons kinders [Hanlie 12-430]. En tog erken sy: Ek was nog seker net
drie keer in Thabong in my lewe en dit was saam met ander
onderwysers om vergaderings daar by te woon of begrafnis daar te
gaan bywoon. Ek was nog nooit op my eie daar nie [Hanlie 12-438].
Sonder ʼn doelbewuste poging gaan hierdie soort blootstelling nie gebeur nie.
Wat wel gebeur is dat die blootstelling by die werk en in die openbare lewe dramaties
vermeerder het. Deur die bank vertel die mede-navorsers dat hulle nou nog meer as in
1998 skouers skuur met swart kollegas en amptenare. Hierdie kontak word oorwegend
as positief aangeteken. George [15-037] vertel van sy swart kollegas wat geleidelik
deel van sy werkswêreld geword het. Ten tye van sy aftrede het hy oorwegend met
swart skole [George 15-018] gewerk. George [15-077] vertel dat hy goeie
verhoudings het met swart kollegas, selfs met die skoonmaker, iets wat in die ou
bedeling nie sou gebeur het nie [George 15-099]. Die beste van alle sê hy: Dit is
ʼn ding wat spontaan gebeur het, dit was nie gedwonge nie [George
15-107].
28 7de laan is ʼn Afrikaanse TV-sepie wat reeds sedert 4 April 2000 uitgesaai word. Die program met
akteurs van verskillende rasse is oorwegend Afrikaans, maar Engels en van die Afrikatale word ook
gebruik saam met vertaalde onderskrifte. Die program word gekenmerk deur die gemaklike interaksie
tussen persone van verskillende rasse. In 2007 het 60% van Afrikaanssprekendes ingeskakel op die
program. Ongeveer 42% van die kykers is swart (Blaauw 2007).