LEWE NA APARTHEID: LIDMATE SE NARRATIEWE VANUIT 'N ...

Hoofstuk 5: Die post-apartheid verhaal?
p300
volgende afdeling word versoening vanuit verskillende kante bekyk.
8. Versoening en vergifnis
Versoening in Suid-Afrika het alles te make vir die verhouding tussen verskillende
rasgroepe. Die WVK het hierin ʼn belangrike rol gespeel, maar nie alles vir Suid-
Afrikaners gedoen nie. Coetzee (2004:333) sê “Even the TRC did not succeed in its
goal to achieve reconciliation.” Hy is nie die enigste een nie wat hierdie mening
toegedaan is nie. Ook die voorsitter van die WVK, aartsbiskop Desmond Tutu (1998:6)
herinner daaraan
that the TRC is expected to promote, not to achieve, reconciliation.
Reconciliation has to be the responsibility of all South Africans, a
national project – and we hope that the churches and other faith
communities will be in the forefront of this healing process which is
possibly going to go on for decades.
Die taak van voortgaande versoening lê vierkantig binne die terrein van die kerk se
verantwoordelikheid. Dit is egter nie iets wat op ʼn voorafbepaalde manier gedoen kan
word nie. Elke konteks van versoening is uniek en vra ʼn eie benadering. Daarom praat
Barry (2006:709) eerder van die “dynamics... of social reconciliation” as van modelle.
Barry (2006:702) sê dat die WVK die land daaraan herinner het dat versoening beide ʼn
doelwit en ʼn proses is. Dan gaan hy voort:
This reconciliation is not just a goal and a process; it is an intentional
goal and process. In Christian terms it involves metanoia, repentance,
a turning away from and a turning towards. It may also include
reparation or restitution (Barry 2006:708).
Hierdie doelbewuste “turning away”, die belydenis van sonde en oortreding is
onontbeerlik, maar moeilik. Piet Meiring (1999b:243) se woorde hieroor is na meer as ʼn
dekade steeds net so waar: “For many – especially white – South Africans, it was and
still is extremely difficult to face the past, to acknowledge their responsibility, and to
confess their guilt. But without that, there is still little chance of reconciliation.” Hy
beklemtoon die belangrikheid van ʼn erkenning van skuld en die belydenis daarvan.
Podles (2010:elektroniese bron) gaan verder en skryf ook oor berou as deel van die