LEWE NA APARTHEID: LIDMATE SE NARRATIEWE VANUIT 'N ...

Bylaag 4: Gesprek 4 (10 September 1998)
p461
256
257
258
259
260
261
262
263
264
265
266
267
268
269
270
271
272
273
274
275
276
277
278
279
280
281
282
283
284
285
286
287
288
289
290
291
292
midde wil laat: 'n Vrou van Johannesburg en haar dogter het as vlugtelinge na
Australië toe gegaan, waar haar saak nou aangehoor is deur 'n tribunaal, waar sy nou
vertel het hoe sy beroof is, en haar motor twee keer verhoor is. Toe stuur hulle haar
terug na haar land toe, want hulle sê toe dit is as gevolg van 'n situasie van mense wat
het, en ander wat nie het nie. Ek laat maar die gedagte by julle.
Ben: Daar is nou baie bitterheid ook oor die saak van Huis Ougoud. Die swarte mense
het R350 miljoen wat vir bejaarde huise sorg, het hulle weggeneem. En Huis Ougoud
het nou vir drie maande geen subsidie gekry nie. En so ook ander, baie ouetehuise
gaan nou moet sluit. Dan ook van mense wat hoë poste in die regering het, wat so die
geld steel en verkwis. En hoe dat voertuie wat met duisende der duisende rande op die
pad beroof word en wagte geskiet word. Mense is baie bitter.
Albert: Dit is so, maar ek dink …
Hanlie: Die swartmense is daarmee saam ook baie bitter en kwaad oor die top
struktuur wat geld steel en korrupsie …
Albert: Ek dink regtig ons sal 'n skuif moet maak in ons manier van dink, om dit nie
noodwendig te koppel aan ras meer nie. Jy het die stelling gemaak dat 9 uit 10 mense
swart is, wat sal maak dat 90 persent van die misdadigers swart is. Maar as mens
ander kategorieë sou aanwend en sê kom ons praat van ekonomiese kategorieë, rykes
en minder rykes. Wie is die ouens wat by misdaad betrokke gaan wees? Dit speel ook
'n rol.
Hanlie: Tensy jy nou van die groot witboordjie-misdaad, die werklike groot, miljoene
rande se goed praat
Johan: Ek wil aansluit by die bedreiging en daai punte wat jy vanaand net so wou
aanraak: Dit is vir my interessant dat die kwessie van bedreiging nou ter sprake kom
noudat apartheid van die wetboeke af is. Die hele rede waarom apartheid op die
wetboeke gekom het, was bedreiging: die witman het bedreig gevoel dat hy nie meer
geleenthede in hierdie stuk grondgebied gaan hê nie. Dit het 'n lang aanloop gehad,
maar ons was bedreig en daarom het hulle gesê liewers ons op ons eie. Nou het daar
40 jaar verloop, dit was nie 'n sukses nie, nou is dit weer afgeskaf. Nou is daar weer
bedreiging. So wie wen?