LEWE NA APARTHEID: LIDMATE SE NARRATIEWE VANUIT 'N ...

Hoofstuk 5: Die post-apartheid verhaal?
p308
Dit is by Krog (1998a:109) waar ek die eerste keer die storie van die gesteelde fiets
gehoor het. Sy dig dit toe aan Vader Mxolisi Mpambani wat dit tydens ʼn etensuur
byeenkoms vertel. ʼn Seun steel ʼn ander een se fiets. ʼn Jaar later gaan die dief na die
ander seun en vra vir versoening. Hulle moet wat agter lê vergeet en aanbeweeg. “And
what about the bicycle?” vra die seun, waarop die dief antwoord: “No, I am not talking
about the bicycle. I am talking about reconciliation.” Hierdie eenvoudige verhaal
illustreer die absurditeit van so ʼn situasie. Versoening sonder die herstel van die onreg
is ondenkbaar en geen ware versoening nie.
Versoening vir Christene is meer as net die praktiese nood; daar is ook ʼn teologiese
dimensie daaraan. Daarom sê Kgatla (2011:elektroniese bron) “It is a grievous [sin]
mistake to try to short-circuit the process of lasting reconciliation by skipping
restitution… The road to authentic reconciliation goes via restitution – reversal of unjust
enrichment.”
Vir Christene moet enige poging tot herstellende geregtigheid begin by God se
onverklaarbare genade. Hieroor skryf Naudé (2003:141) “Any talk of restorative justice
must therefore begin in the proclamation of God’s gracious non-retributive justice in
Christ who carried South Africa’s past injustices while we were still helpless and wicked
[sy beklemtoning] (Rom 5:6).”
Naudé (2003:142) skryf uitvoerig oor die aard van God se vergifnis en die mens se
reaksie daarop. Hy vertrek van die objektiewe aard van God se vergifnis en dan skryf
hy oor die “impossible possibility” dat ʼn mens God se genade en bevrydende
geregtigheid ontvang het “and then close your heart to structural injustice and to talk
easily about love without deed (ergos) or truth (aletheia).”
Hy antwoord potensiële besware teen sy argument deur aan te sluit by die
Heidelbergse Kategismus Vraag en Antwoord 64 wat vra of so ʼn onverdiende
regverdiging nie sal lei tot onverskilligheid en roekeloosheid nie. Die antwoord van die
kategismus is “Nee, want dit is onmoontlik dat ’n mens wat deur ’n ware geloof in
Christus ingeplant is, nie vrugte van dankbaarheid sal voortbring nie.” (Ned Geref Kerk
1983:147).
Met verwysing na Hebreërs en 1 Johannes voer hy aan “it is from an understanding of
God’s reconciliation in Christ and the Spirit, exemplified in the church, that calls for