LEWE NA APARTHEID: LIDMATE SE NARRATIEWE VANUIT 'N ...

Bylaag 19: Uitnodiging
p716
Was daar stemme binne-in jou wat jou gepla het oor apartheid?
Wat het jy gedoen met hierdie stemme? Hoekom?
Hoe het die onthullings voor die Waarheids-en-Versoeningskommissie jou
siening van apartheid geraak?
Het ons enige skuld aan apartheid en indien wel, hoe moet ons daarop reageer?
Is daar 'n parallel met die situasie van die Christene in Duitsland voor en tydens
die Tweede Wêreldoorlog?
Watter beelde word deur apartheid by ons opgeroep? Met watter metafore sou
ons apartheid wou beskryf?
Wat was die rol van die kerk en godsdiens in die ou suid-Afrika? Watter rol speel
dit, of behoort dit te speel in die nuwe Suid Afrika?
Hoe het ons die rol van die politici in die apartheidsjare gesien?
Watter rol het ons bevooroordeeldheid gespeel in ons siening van apartheid?
Wat is die plek van regstellende aksies en hoe moet ons daarop reageer?
Enige ander saak wat relevant mag wees.
Die voorgestelde datums van byeenkomste is 30 Julie, 13 en 27 Augustus, 10 en 24
September, 8 en 22 Oktober en 5 November. Elke byeenkoms sal ongeveer een uur
duur van 7nm tot 8nm.
Ons werkswyse by hierdie byeenkomste sal wees om die tema vir die aand aan die
orde te stel en dan die gesprek daarvolgens vry te laat loop. Lede van die groep sal
vooraf ingelig word oor die tema vir die volgende geleentheid sodat hulle daaroor kan
gaan nadink. Hulle is ook welkom om hulle gedagtes oor die onderwerp neer te skryf.
Die volledige gesprek sal op band opgeneem word en later getranskribeer word. Die
lede se toestemming sal gevra word om dit te kan gebruik.
Ek is seker dat as jy dit kan bywoon, jy 'n besondere bydrae sal kan lewer. Ek sal jou
graag Donderdag-aand daar wil sien.
Groete
Leon M Foot