LEWE NA APARTHEID: LIDMATE SE NARRATIEWE VANUIT 'N ...

Bylaag 18: Korrespondensie van Karin
p707
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
Dit is ʼn baie ongelukkige situasie dat apartheid gewettig is. Ek het nog nooit
belangstelling in die politieke geskiedenis van ons land gehad nie, dus ken ek nie die
werklike motivering agter die wettiging van Apartheid nie. Soos ek verstaan was daar
voor die wetgewing ʼn natuurlike skeiding wat ontstaan het. My enigste vermoede
rondom die motief vir wetgewing is moontlik die armblanke-vraagstuk en dat die
regeerders van die tyd nie oor die nodige middele beskik het om aan al die
Kulture/rasse, gelyke geleenthede te bied nie en op grond daarvan besluit is om eers
hul eie volk uit te lig, onder die dekmantel van Apartheid en soos hulle vorder begin om
die ander kultuur/rasse groepe se fasiliteite te verbeter. Daar is in beide wit swart en
ander rasse voorsiening gemaak vir die bou van skole en sub-ekonomiese behuising
deur onderskeie Munisipaliteite. Selfs bruin en swart mense verklaar tans dat hulle
beter af was in die apartheidsdae. Ongelukkig is ek a-polities en moedig nie hierdie tipe
gesprekke aan nie. Ek gee wel advies oor hoe hul die probleem kan aanspreek.
2.3 Wat was volgens jou die probleemmet (of die hart van) Apartheid? Wat
was “fout” van Apartheid? Waarom het die beleid soveel weerstand ontlok?
Apartheid het die vooruitsig (“hoop”) op algehele ontwikkeling, veral vir die kinders
beperk en in sommige gevalle selfs uitgesluit. Dit het aanleiding gegee tot
ongelukkigheid, aggressie en moedeloosheid, vir die onregverdige benadeling. Voorts
is stemreg aan bande gelê wat die waardigheid aangetas het, weens afwesigheid van
deelname in die land. Bogenoemde het aanleiding gegee tot gevoelens van
onderdrukking en uitsluiting. Vanweë swak skolastiese agtergrond was hul aangewese
om die laagste vlak van arbeid, nl. ongeskoolde arbeid terwyl sommige veel meer
potensiaal gehad het. (Dit het ʼn drukkoker effek geskep wat een of ander tyd moes
ontplof.)
Dit is my persoonlike mening dat dit ʼn baie ondeurdagte en/of stiksienige besluit was.
Indien daar gelyke geleenthede en ontwikkeling vir almal se kinders was; ongeag ras
en geslag, sou ons nie nou met uiterse uitdagende omstandighede gekonfronteer
gewees het, op alle vlakke van die samelewing nie.
Die sogenaamde agtergeblewe gemeenskappe het in ʼn bevolkingsontploffing ontaard,
waarskynlike a.g.v. onkunde/druk en so meer. Dit het daartoe aanleiding gegee dat
daar nou nie net rasse aangeleenthede is wat aangespreek moet word nie, maar uiters
oorweldigende maatskaplike verval.