LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p240
kwaad nie [Isak 14-061]. My getuienis is die Here het my vrygemaak
daarvan [Isak 14-088].
Op hierdie stadium is sy ongelukkigheid oor regstellende aksie nie meer gefokus op sy
eie loopbaan nie [Isak 14-058]. Sy frustrasies is met onderwys wat nie op
standaard [Isak 16-070] is nie en wat kinders met potensiaal hulle kanse ontneem;
met [o]nderwysers en staatsamptenare wat (volgens ons ou Suid
Afrika se persepsies en maatstawwe) nie toegewyd is of bekwaam
is nie [Isak 16-071]; en die frustrasie as die regering en
staatsdepartemente nie altyd aan die verwagtinge voldoen nie [Isak
16-086].
Van die begin af was dit duidelik dat regstellende aksie wit mense gaan affekteer. My
gewete sê vir my daar moet regstellende aksie wees, en tog maak
dit mens seer ook, ek meen jou kinders en kleinkinders en jyself
kom in gedrang [Elsa 8-030]. My gevoel is ja, dit is vergelding wat
gebeur het. Dit laat my glad nie goed voel nie. Dit laat die
meeste Afrikaner wit mans wat nog ver van aftrede is, geweldig
bekommerd word [Johan 8-100]
In 2012 is daar van die mede-navorsers wat ongeskonde deur regstellende aksie
gekom het, soos Naomi [10-454]. Ander, soos George, het vanweë hulle ouderdom
regstellende aksie vrygespring [George 15-330]. Sommige, soos Danie en Isak na wie
reeds verwys is, is midde-in die stryd en sien dit nou maar deur tot aftreetyd. Die een
groot bekommernis is egter die effek van hierdie beleid op die volgende geslag, asook
die groot getal wit mense wat eerder emigreer: Dit is wat ons as blankes die
meeste raak in hierdie land dat ons kinders veral nie werk kry
nie en baie mense die land uitgaan [Elsa 9-648].
Oor die relatiewe sukses van regstellende aksie ten opsigte van die
verskillende rasse, verklaar Wicomb (aangehaal in Lefko-Everett, Nyoka
& Tiscornia 2011:25): “Sixty-four percent of top senior management
positions are filled by our white compatriots. These data confirm, first,
that transformation has not yet been achieved, and further, that current
employment practices have not translated into discrimination against
minority groups.” Daar is nie rede om sy syfers te bevraagteken nie,