Histoire de l'internationalisme

LA TRADITION PACIFISTE: EGLISES ET SECTES
du dich rechest an eynem unniitzen maul odder bôszer hand, die dyr
leyder than hatt.
So sprichstu denn: Soll denn eyn furst nicht kriegen odder
seyne unterthan yhm nicht folgen ynn den streytt? Antwortt: Das
ist eyn weytleufftige frage. Aber auffs kurtzist: Christlich hyrynn zu
faren, sage ich, da keyn furst widder seynen uberherrn als den Ko«
nig und Keyser oder sonst seynen lehenherrn kriegen soll, szondernn
lassen nehmen wer da nympt. Denn der uberkeyt soll man nicht
widderstehen mit gewalt, szondern nur mit bekentnis der warheyt:
keret sie sich dran, ist gut, wo nicht, so bistu entschuldiget unnd leydest
unrecht umb Gottis willen. Ist aber der widderpart deynes gleychen
oder geringer denn du oder frembder uberkeyt, szo solltu yhm auffs
erst recht und fried anbieten wie Mose die kinder Israël leret. Will
er denn nicht, so gedenk deyn bestes unnd were dich mit gewallt,
wie Mose das allis feyn beschreybt Deutro: 20 — — — —
Und hyrynnen sind die unterthanen schuldig zu folgen, leyb
und gutt dran zusetzen. Denn ynn solchem fall musz eyner umb
des andern willen seyn gutt und sich selbs wagen. Und ynn solchem
krieg ist es christlich und eyn werck der liebe, die feynde getrost
wiirgen, rauben und brennen und ailes thun was schedlich ist bisz
man sie uberwinde nach kriegs leufften (on das man sich fur sunden
soll hutten, weyber und junckfrawen nicht schenden) — —
Wie? wenn denn eyn furst unrecht hatte, ist yhm seyn volck
auch schuldig zu folgen? Antwort :
Neyn.
Denn wider recht ge»
piirt niemant zu thun, sondern man musz Gotte (der das recht haben
will) mehr gehorchen denn den menschen. Wie? Wenn die unter»
thanen nicht wiisten, ob er recht hette oder nicht? Antwort: Wéyl
sie es nicht wissen noch erfahren kunden durch môglichen vleysz, so
môgen sie folgen on fahr der seelen — — — Den wilchs teyl hie
geschlagen wirtt, es habe recht odder unrecht, musz es fur eyn strafF
von Gott aufnehmen, wilchs aber schlecht und gewynnet ynn solchem
unwissen, musz seyn schlacht halten, als fiel jemand vom dach und
schliige eyn andern todt, unnd Gott die sach heymstellen. Denn es
222