Actas do Seminario Internacional O futuro da memoria - Arquivos de ...

108
tendida como a posibilidade de recibir calquera tipo, a diferenza dos anteriores
rexistros telemáticos, que só admitían os procedementos especificados
nas súas normas de creación (arts. 24.2 b) e 24.3). Aínda que desaparece o
dereito do artigo 38.4 LRXPAC a presentalos en calquera rexistro (estatal, autonómico
ou, no caso de convenio, local) e agora debe presentarse no rexistro
da administración pública actuante51 . Polo menos, hoxe por hoxe. Pois,
ao igual que se creou ex art. 31 do RDDPLAE o Rexistro Electrónico Común
na AXE52 , non parece desatinado prever inteconexións rexistrais entre todas
as administracións públicas. Ao fin e ao cabo iso é a Administración electrónica
auténtica, un sistema integrado que, con independencia da titularidade
das competencias, ofreza servizos ao cidadáns, a quen tal cuestión non importa
demasiado ou nada.
***
Ao dereito xeral á relación electrónica únense outros, algúns dos cales apenas
se esbozaron xa, e que son obxecto dos distintos apartados do art. 6.2.
LAE (Cotino, 2008, pp. 190-217). Son, pola súa especificidade e alcance, os
que maiores cargas impoñen ás administracións públicas respecto dos cidadáns
e, no seu conxunto, determinan a necesidade ineludible de considerar
a xestión dos documentos electrónicos como elemento estratéxico sen o cal
a Administración electrónica non sería senón un mero trampantoxo.
Nalgúns casos, trátase dunha proxección —de maior alcance— dos dereitos
recoñecidos no 35 LRXPAC (dereito de non aportar datos e documentos,
a coñecer estado de tramitación de procedementos ou obter copias dos mesmos).
Noutros casos, comportan elementos de liberdade de elección dos cidadáns
(canles, sinaturas electrónicas, aplicacións…). Pero é na garantía de
dúas premisas inherentes á relación electrónica, a conservación dos documentos
electrónicos, e as cuestións relacionadas co dereito de acceso á información
e a protección de datos persoais onde vemos con maior claridade
a importancia que a xestión documental adquire no contexto da Administración
electrónica.
Documento e expediente electrónicos e a súa conservación. O arquivo
electrónico | A LAE establece un concepto global de documentos
electrónico, fronte ao concepto fragmentario que do mesmo ofrecía a
LRXPAC: Información de calquera natureza en forma electrónica, arquivada
nun soporte electrónico segundo un formato determinado e susceptible de
identificación e tratamento diferenciado.
Regulado no art. 29 LAE, para ser considerado tal deberá ademais cumprir
cos requisitos alí establecidos, isto é, estar asinado electronicamene e in-