Actas do Seminario Internacional O futuro da memoria - Arquivos de ...

374
Trátase, pois, dun proxecto modesto en canto ao seu alcance (a Rexión de
Murcia) e financiamento (sempre limitada, como calquera proxecto arquivístico),
pero ambicioso nos seus obxectivos, xa apuntados, e na ampla participación
institucional, á que abaixo nos referimos. Por iso, o plan deseñado precisa
ser mantido no tempo para poder ser executado en diferentes fases ate a
súa conclusión prevista en varios anos. É obvio que non todo pode nin debe
ser reproducido en soporte dixital (todo proxecto debe ser avaliado para buscar
a súa máxima rendibilidade), así que dende a xénese ous eixos marcaron
os criterios á hora de dar prioridade os documentos seleccionados para a súa
dixitalización: a cronoloxía e a facilidade de consulta. Baixo estes criterios, o
proxecto reproduciu os documentos máis antigos antes que os máis modernos,
e tivo sempre presente o interese dos cidadáns para que a divulgación
fose o máis ampla posible e chegase ao maior número de interesados.
O reto actual sobre o que xa se traballa é dotar o proxecto dos estándares
esixidos para repositorios abertos (protocolo OAI, Open Archives Iniciative,
http://www.openarchives.org), como Europeana (http://www.europeana.eu),
con vistas á súa interconexión cos proxectos europeos do mesmo tipo.
O marco institucional. A xestión e a implicación
O que caracteriza, en esencia, ao proxecto CARMESÍ, o que o identifica como
proxecto singular, non é a dixitalización de documentos históricos (este
xa é un labor que se acomete con afán en multitude de centros arquivísticos)
4 , senón a participación en común, é dicir, a colaboración entre numerosas
institucións en pos de lograr os obxectivos marcados, que basicamente
se reducen á reprodución dixital dos documentos históricos de cada una delas
e á súa proxección reunida nunha soa web. O compromiso de axuda entre
elas está implícito no proxecto dende a súa propia concepción, e trasládase
a cantas institucións, tanto públicas como privadas, son titulares de documentos
de interese histórico e queiran implicarse nalgunha das súas fases.
Nace así O CARMESÍ en 2005, proposto e impulsado dende a Consellería
de Cultura para a participación conxunta de diversas institucións, organismos
e administracións, de maneira que resulta imprescindible a cooperación
entre elas, pero que tamén esixe, ao mesmo tempo, unha clara división de
roles. Nun proxecto de ampla participación coma este resulta moi importante
para o seu axeitado desenvolvemento conseguir un racional reparto de
funcións e a natural distribución de competencias. O Arquivo Xeral da Rexión
de Murcia, a Fundación Integra e a Fundación Séneca, pertencentes á
Comunidade Autónoma, constitúen o núcleo que permanece inalterado
dende a orixe e foron sempre parte substancial do proxecto. Os cambios