Actas do Seminario Internacional O futuro da memoria - Arquivos de ...

300
Figura 9: Proceso
de conversión
(Fonte: traballo en
curso no ENI)
secuencia, pódense producir cambios en relación co exposto neste texto.
❚ Máis arriba apuntáronse as grandes cuestións que deberían tratarse sobre
o documento electrónico, o expediente electrónico, a dixitalización de
documentos en soporte papel, os procedementos de copiado auténtico e
conversión e a política de xestión de documentos electrónicos á luz do estado
da arte na materia.
❚ O seu desenvolvemento estase a realizar no ámbito dos órganos colexiados
da Administración con competencia en materia de Administración
electrónica, segundo a mesma dinámica de participación de todas as administracións
públicas que se aplicou para a realización dos Esquemas Nacionais
de Interoperabilidade e de Seguridade. Nos correspondentes grupos
de traballo figuran expertos do ámbito dos arquivos e da xestión documental.
Todo o proceso ven esixindo un esforzo de formación dunha
comprensión común das cuestións tratadas, de consenso e de concreción
de detalles.
❚ Trabállase co obxectivo de que as ditas normas poidan satisfacer necesidades
derivadas da normativa aplicable e de que poidan aplicarse cun
esforzo razoable dentro dos prazos previstos para a adecuación ao Esquema
Nacional de Interoperabilidade. Isto implica a necesidade de tomar decisións,
sempre dende unha formulación baseada en mínimos que favoreza
a súa implantación en corto prazo, por exemplo, en canto á limitación
do alcance dunha norma.
❚ O obxectivo final é a súa publicación no Boletín Oficial do Estado, de
acordo co previsto no apartado 2 da disposición adicional primeira do Real
decreto 4/2010.
❚ As bases definidas para o desenvolvemento das normas perseguen proporcionar
un marco inicial sobre o que evolucionar de forma gradual e
atender a posibles futuras necesidades mantendo o seu aliñamento con
tendencias e estándares europeos e internacionais.