Actas do Seminario Internacional O futuro da memoria - Arquivos de ...

xías baseadas na web para crear un espazo compartido para a Public Record
Office de Victoria, o Koorie Heritage Trust Inc, o Arquivo Nacional de Australia,
e as comunidades e individuos koorie, para traballar cooperativamente
como socios iguais, co fin de crear un arquivo que:
¬ Reúna, integre, conserve e faga accesibles os documentos existentes
relativos ás comunidades, familias e individuos koorie de fontes gobernamentais,
comunitarias e persoais.
¬ Proporcione contido en moitas formas e soportes diferentes, incluídos
documentos oficiais escritos, testemuños orais, documentos de organizacións
koorie, documentos familiares e persoais, fotografías, gravacións
de audio e vídeo.
¬ Faga posible que se negocien e establezan controis e protocolos que
respecten os dereitos comunitarios, familiares e individuais koorie, e os
requisitos relativos á conservación, o almacenamento, a accesibilidade
e o uso do contido do arquivo na nube, incluídos os requisitos relativos
a acceso diferenciado.
¬ Proporcione un espazo no que as comunidades, as familias e os individuos
poidan crear e engadir facilmente novo contido.
¬ Proporcione un mecanismo para anotacións que interpreten, corrixan
ou proporcionen, contexto para o contido informativo extraído dos
documentos oficiais.
O modo en que o patrimonio arquivístico será conformado e re-conformado
dependerá da colaboración entre os participantes no documento.
O arquivo dixital pode ser re-conformado permitindo narrativas alternativas
á do creador do documento para complementar, substituír ou re-interpretar
os mesmos eventos, e recoñecer que existen diferentes series de indicadores
para establecer a verdade. Que narrativa é válida? Que é unha colección nacional?
Inclúe intereses especiais? Quen ten o control sobre ela? O patrimonio
arquivístico debe abarcar moitos puntos de vista diferentes. Vínculos virtuais
entre organizacións arquivísticas e culturais deberían proporcionar narrativas
alternativas que se enfocaran sobre un patrimonio cultural inclusivo
a nivel nacional e en último extremo global, e que respecte a diversidade.
Os suxeitos do documento cuestionaron a dominación da perspectiva do goberno
nos eventos. O concepto europeo de Estado do século dezanove tivo
unha poderosa influencia sobre a adopción do creador do documento como a
unidade de descrición e organización arquivísticas. Era un concepto abarcador
de Estado no que o sistema legal designaba quen tiña o control, que se documentaba,
como se documentaba, quen podía ter acceso e durante canto tem-
61