Actas do Seminario Internacional O futuro da memoria - Arquivos de ...

para a súa adaptación á Directiva 2006/123/CE do Parlamento Europeo e
do Consello, de 12 de decembro de 2006, relativa aos servizos no mercado
interior.
E por último o Decreto 198/2010, de 2 de decembro, polo que se regula
o desenvolvemento da Administración electrónica na Xunta de Galicia e nas
entidades dela dependentes. 1 O obxectivo deste Decreto é establecer as bases
para o cumprimento da Lei 11/2007, servindo como guía na creación ou
redeseño de servizos electrónicos na Administración Pública de Galicia.
❚ O capítulo 1 regula o obxecto do Decreto, o seu ámbito de aplicación e
a finalidade da súa incorporación ao ordenamento xurídico galego. Esténdese
o seu ámbito de aplicación a todos os departamentos e organismos
que configuran a estrutura da Administración pública de Galicia.
❚ O capítulo 2 establece o marco para a sede electrónica da Xunta de Galicia
así como determina a existencia do rexistro electrónico como puntos
fundamentais para o establecemento da relación directa no contexto telemático
entre o cidadán e a administración.
❚ O capítulo 3 regula a creación do Diario Oficial de Galicia na súa edición
electrónica que terá unha consideración de publicación única, dotándoa
de validez xurídica, que substituirá á edición impresa. Neste caso o documento
electrónico terá xa prevalencia sobre o soporte papel.
❚ O capítulo 4 trata sobre os mecanismos de identificación e autenticación,
tanto por parte do cidadáns como por parte da propia Xunta de Galicia.
❚ O capítulo 5 recolle os criterios para a xestión e tramitación de procedementos
administrativos mediante a utilización de medios electrónicos, así
como o impulso, a ordenación e o desenvolvemento dos servizos electrónicos.
Establece a guía de procedementos e servizos ao cidadán e aos propios
empregados públicos, así como os mecanismos (informe técnico-funcional
revisado polo órganos coordinadores da Administración electrónica)
que garantan a homoxeneidade do desenvolvemento da Administración
electrónica na Xunta de Galicia.
❚ O capítulo 6 trata sobre a regulación da comunicación e o sistema de
notificacións electrónicas.
❚ O capítulo 7 regula o documento electrónico, as copias electrónicas, a
compulsa electrónica de documentos e o arquivo da documentación electrónica,
atendendo ás súas características, forma de obtención, arquivo e
validez.
❚ O capítulo 8 trata sobre a interoperabilidade. Este capítulo ten por obxecto
fomenar a cooperación administrativa. Neste senso, este protocolo
de interoperabilidade determinará o procedemento para incorporar e
313