Actas do Seminario Internacional O futuro da memoria - Arquivos de ...

trónico, este remítese á Política de sinatura electrónica e de certificados e
apunta que:
cando a sinatura electrónica e os certificados non poidan garantir a autenticidade
e a evidencia, estas se garantirán a través da conservación e custodia nos
repositorios e arquivos electrónicos.
En relación cos formatos dos documentos, o Esquema Nacional de Interoperabilidade
contempla o seguinte:
❚ Conservación no formato en que o documento fose elaborado, enviado
ou recibido, e preferentemente nun formato correspondente a un estándar
aberto que preserve ao longo do tempo a integridade tanto do contido
do documento, como da sinatura electrónica e dos metadatos que o
acompañan.
❚ Elección de formatos normalizados e perdurables parra asegurar a independencia
do soporte segundo o previsto sobre estándares.
❚ Aplicación, cando exista risco de obsolescencia, de procedementos normalizados
de copiado auténtico dos documentos con cambio de formato,
de etiquetado con información do formato utilizado e, de ser o caso,
das migracións ou conversións de formatos.
En relación coa dixitalización de documentos en soporte papel, establécese
que esta se realizará de acordo co indicado na norma técnica de interoperabilidade
correspondente en relación cos seguintes aspectos:
❚ Formatos estándares de uso común para a dixitalización de documentos
en soporte papel e técnica de compresión empregada.
❚ Nivel de resolución.
❚ Garantía de imaxe fiel e íntegra.
❚ Metadatos mínimos obrigatorios e complementarios, asociados ao proceso
de dixitalización.
Finalmente, co fin de facilitar a aplicación do Esquema, establécense diversas
normas técnicas de interoperabilidade, entre as cales se significan as
seguintes polo seu interese para o documento electrónico:
❚ Política de xestión de documentos electrónicos
❚ Documento electrónico
❚ Expediente electrónico
283