Actas do Seminario Internacional O futuro da memoria - Arquivos de ...

Figura 9:
Un pantallazo do
Banco de Probas de
PLANETS (c) HATII
at the Univesity of
Glasgow (2010)
192
Conclusións
Merece a pena reter que a conservación dixital é un proceso. Hoxe en día é
unha asunción xeneralizada que se queremos asegurar os datos durante longos
períodos de tempo deberíamos aproximármonos á súa conservación durante
períodos curtos, porque actualmente non temos ningunha solución
permanente. Existe unha continua demanda de investigación continuada
acerca do que realmente debería ser a natureza da axenda de investigación
en conservación. Nos anos recentes houbo moitos intentos para producir esa
axenda de investigación. DigitalPreservationEurope, a partir do traballo do
grupo de traballo de DELOS sobre Conservación Dixital e o seu informe «Invest
to Save» (Ross; Hedstrom, 2005; Ross; Hedstrom, 2003), seguiu a avanzar
para producir un Research Roadmap. Esta Folla de Ruta da Investigación,
que analizaba o estado da cuestión en investigación sobre Conservación Dixital
e as axendas de investigación existentes, distribuise en marzo de 2007.
Esta é a primeira folla de ruta de investigación nesta área que bota unha mirada
ás outras follas de ruta e considera a conservación dixital dende a perspectiva
máis xeral da conservación e a preservación de obxectos dixitais.
Dende que a completamos, houbo outras que salientan diferentes aspectos
da conservación dixital e a preservación de datos. O punto crucial aquí é que
a necesidade de investigadores en conservación/preservación para re-avaliar
continuamente para onde imos e onde estamos é esencial. Algúns deles contemplarán
de maneira xeral o problema como un todo e outros serán moito