Actas do Seminario Internacional O futuro da memoria - Arquivos de ...

72
tencias nos arquiveiros que lles permitan enfocarse no usuario /cidadán como
suxeito do proceso de transmisión de información a través de contidos
que permaneceron case ausentes nos plans de estudo da disciplina.
En consecuencia este artigo examina o estado xeral de avance e establecemento
das prácticas de goberno electrónico na América Latina e o Caribe,
para dar paso a analizar as abordaxes arquivísticas respecto ao acceso á información
e ao tratamento dos usuario, e finalmente enfocármonos na utilidade
de introducir contidos de alfabetización informacional na formación
superior de arquiveiros na rexión.
Goberno electrónico
Se ben inicialmente se relacionou o goberno electrónico case exclusivamente
co uso das tecnoloxías de información e comunicacións (TICs) na mellora
da eficiencia da Administración pública, ou a presentación de servizos a través
de portais web, pouco a pouco introduciuse un enfoque multidimensional
que inclúe a prestación de servizos electrónicos (e-services), a xestión do
goberno electrónico (e-management) e o favorecemento de políticas públicas
e democráticas (e-policy, e-democracy), que o diversificaron en canto ás
súas características, propósitos e actores participantes no mesmo. (CEPAL,
2007). Estes cambios poden sintetizarse en dous aspectos significativos:
¬ as implicacións que teñen as TIC respecto ao cambio organizacional,
visto como innovación institucional e transformación das estruturas,
políticas, obxectivos ou operacións das entidades públicas; e
¬ as novas formas de relación entre o estado e os cidadáns.
Respecto ao primeiro existe coincidencia en que o goberno electrónico
non pode ser asumido como a simple instalación de computadoras ou a posta
en funcionamento de páxinas web e portais, senón que iso implica un
cambio organizacional que conduce á modificación das estruturas organizativas,
cambios nas políticas e obxectivos, así como na normalización dos métodos
de traballo, os mecanismos de control, a simplificación de procesos e
a modificación de normas e procedementos. Así mesmo, insistiuse na necesidade
de involucrar, formar, estimular e potenciar o cambio nos profesionais
da administración, incluídos os arquiveiros, pois un conxunto importante de
operacións e transaccións van ser realizadas de forma automatizada sen as
formas tradicionais de intervención humana. Polo propio carácter público da
administración introducir as tecnoloxías sen asumir a necesidade de prestar
atención aos cambios que os procesos de informatización levan consigo, po-