Actas do Seminario Internacional O futuro da memoria - Arquivos de ...

mación e as comunicacións, e a nova volumetría dos recursos de información.
Ponderará se este novo contexto socio-tecnolóxico require algún correspondente
cambio filosófico ou metodolóxico na estratexia actual. Enlazando
con esta discusión, o ensaio tamén se referirá ao desenvolvemento e
á implantación dunha nova xestión pública dentro do Goberno de Canadá,
mediante unha nova arquitectura de empresa, modelos de gobernanza cooperativa
e interacción cidadán-estado enfocada no cliente; e a que significa
potencialmente o impacto desta transición para a macrovaloración e a valoración
e selección de información do sector público en xeral. Á luz destes
cambios, seguen a servir as actuais perspectivas documentais e os resultados
desexados da macrovaloración á constitución dunha memoria pública representativa
que satisfaga as expectativas contemporáneas e a longo prazo, institucionais
e públicas? Comeza a cambiar o concepto de ‘valor documental’
dentro do marco estratéxico existente e dos obxectivos da macrovaloración,
o marco e os obxectivos mesmos requiren ser re-calibrados?
Unha ollada dentro da infosfera dixital (Floridi, 2009)2
En opinión dalgúns expertos recentes no asuntos da Internet, Google ou
“nos está a facer estúpidos” (Carr, 2008) ou “nos está a facer máis intelixentes”(Cascio,
2009) 3 . Dependendo de a quen ou o que lea vostede —e algúns
observadores suxerirían que xa non ‘lemos’ no senso tradicional, senón que
unicamente ‘escaneamos’ información simplemente para identificar e inxerir
información destilada a partir de recursos máis grandes de información mantidos
en contedores de información ou redes aínda máis grandes— na Era
Dixital tamén representa ou o fin ou o comezo do esquecemento. (Rosen,
2010; Bearman, 1994) 4 . Aparentemente, é unha era con capacidade para
construír unha infraestrutura de ‘lembranza total’ mediante unha e-memoria
sostida pola intelixencia artificial e por servizos de cloud computing dentro
do espazo da web semántica (tamén coñecida como Web 3.0) (Bell, Gemell,
2009) 5 ; ou alternativamente, é unha era que seguirá requirindo intervención
humana e procesamento interactico intelixente dentro de redes ambientais
e o espazo da web participativa (tamén coñecida comoWeb 2.0) para
producir e refinar coñecemento e memoria continua e acumulativamente
ao longo do tempo (Floridi, 2009 (b), especialmente, S.6).
É tamén unha era de produtividade e volumetría de recursos de información
superabundantes, o alcance, a escala e as dimensións dos cales estanse
a expandir nunha taxa de progresión que esgota a comprensión básica. Grazas
á web e ás súas sempre expansivas capas de aplicación e contido, así como
a outras redes afiliadas, ás facultades para establecer vínculos de comu-
221