Actas do Seminario Internacional O futuro da memoria - Arquivos de ...

No caso de Procesos Arquivísticos baixo esta denominación se agrupan
un conxunto de materias relacionadas cos procesos de tratamento dos documentos
ou procesos de organización e representación da información.
En Arxentina aparecen no seu plan de estudos baixo as denominacións de
Clasificación e Ordenación Documental, Técnicas de Selección Documental,
Descrición Documental, Obradoiro de Técnicas descritivas, Xestión e
Marketing Arquivístico. En Brasil existen Produción Documental, Clasificación
e Organización Documental, Normalización Documental, Análise Documental,
Descrición Documental e Organización e Métodos en Arquivos.
Costa Rica conta con Clasificación e Ordenación Documental, Valoración,
Selección e Eliminación, Descrición e Difusión de Arquivos. Colombia presenta
Clasificación Documental, Linguaxes Documentais, Desenvolvemento
de Coleccións, Valoración Documental e Análise Documental. En Uruguay
existen Selección, Clasificación e Ordenación Documental e Descrición.
En Venezuela, Procesos Técnicos en Arquivos, Indización e Condensación,
Selección de Documentos.
A Preservación e Conservación aparece como parte dunha soa materia
nos plans de Arxentina, baixo a denominación de Preservación e Conservación
de Documentos; Colombia, onde a chaman Preservación e Conservación
Documental; e Urugauy baixo Conservación e Restauración de Documentos.
Só en Costa Rica (Conservación) e en Venezuela (Conservación do
Patrimonio Documental) achamos a materia de forma independente.
Algúns plans de estudo introducen materias que se enfocan en determinados
tipos de arquivos, tendo en conta o ciclo de vida dos documentos (Arquivos
Administrativos e Arquivos Históricos en Uruguay; Arquivos Administrativos
e Históricos en Arxentina; Arquivos Correntes ou Intermedios e Arquivos
Permanentes en Brasil), ou de acordo ao tipo de soportes que xestionan
(Arquivos de Imaxe e Son, Arxentina; Documentación Audiovisual en
Brasil). Así mesmo, Colombia conta cunha materia que aborda os Arquivos
Especializados e Empresariais.
Materias como Paleografía e Diplomática aparecen nos plans de estudo
de Arxentina e Brasil (ambas) e en Costa Rica (só a segunda).
En todos os países inclúense materias relacionadas coa a Historia e a Historia
das Institucións. No caso de Arxentina, Institucións Hispanoamericanas,
Institucións Arxentinas. En Brasil, Historia da Cultura e Historia de Brasil. En
Costa Rica, Historia das Institucións, Historia Contemporánea de Costa Rica.
En Colombia, Historiografía. En Venezuela, Historia dos Arquivos e as Bibliotecas
e en Uruguay, Historia Institucional do Uruguay.
Estudo da Lexislación ou de Lexislación Arquivística inclúense nos plans de
Arxentina, Colombia, Costa Rica e Venezuela.
81