Actas do Seminario Internacional O futuro da memoria - Arquivos de ...

Xerar, conservar e difundir a memoria dixital.
Principais proxectos do AHEB-BEHA
e do Centro Icaro
Anabella Barroso Arahuetes
Directora do Arquivo Histórico Eclesiástico de Bizkaia (AHEB-BEHA),
do Centro Icaro e do Servizo Diocesano de Arquivos de Bilbao
Introdución
A aposta polo uso das xa non tan novas técnicas dixitais de edición, publicación
e creación de documentos formula aos arquivos diversos retos e desafíos
que afectan, principal pero non exclusivamente, á política de difusión. Leva
con ela unha nova forma de comunicación cun abano máis amplo de
usuarios que acceden virtualmente ao arquivo. Iso supón a publicación on line
de catálogos e inventarios e incluso a xeración de expedientes electrónicos
cando solicitan reproducións dos documentos. Os usuarios afanse a atopar
o que buscan a «golpe de click» e os arquivos deben estar preparados
para dar resposta e servizos de calidade en tempos razoables. Isto supón un
desafío e un reto, pero, na miña opinión, supón unha auténtica oportunidade
de mellora para os arquivos, aínda que a celeridade con que se dan os
cambios dá un pouco de vértigo, porque o que está cada vez máis claro é
que unha vez que un arquivo se embarca na aventura dixital, hai escasas posibilidades
de volta atrás.
No Arquivo Histórico Eclesiástico de Bizkaia - Bizkaiko Elizaren Histori Artxiboa
(AHEB-BEHA) optamos dende o ano 2000 pola dixitalización como un
medio de difusión activa do servizo de arquivo. O que inicialmente foi formulado
como un proxecto de dixitalización se converteu moi pronto nun
máis amplo de creación do servizo dixital de arquivo, porque a dixitalización
trae canda si, ademais da reprodución doutros soportes, unha redefinición
de todos os servizos e políticas do arquivo. A difusión do rico patrimonio documental
diocesano foi un dos motivos de creación do Arquivo e, tanto os
proxectos do AHEB-BEHA, como as directrices da política arquivística diocesano,
están encamiñados a ampliar cada vez máis este aspecto.
Dende a súa creación en 1950, a diocese de Bilbao amosou unha especial
sensibilidade e preocupación por poñer ao servizo da sociedade o seu pa-
351