Actas do Seminario Internacional O futuro da memoria - Arquivos de ...

calquera tipo de información en forma electrónica asociada aos documentos
electrónicos, de carácter instrumental e independente do seu contido, destinada
ao coñecemento inmediato e automatizable dalgunha das súas características,
coa finalidade de garantir a dispoñibilidade, o acceso, a conservación e a
interoperabilidade do propio documento.
O citado Real decreto 1671/2009 dedica o seu artigo 42 aos metadatos
do documento electrónico. Establece que os documentos electrónicos susceptibles
de integrarse nun expediente electrónico deben ter asociados metadatos
que permitan a súa contextualización, así como a información relativa
á sinatura do documento e a referencia temporal dos mesmos.
Refírese aos metadatos mínimos obrigatorios que unha vez asociados a
un documento electrónico non poderán modificarse en ningunha fase posterior
do procedemento administrativo, salvo que se observe a existencia de
erros ou omisións nos metadatos inicialmente asignados ou que poida tratarse
de metadatos que requiran actualización. A identificación dun conxunto
de metadatos mínimos obrigatorios, xunto cos seus esquemas de valores
que poida ser manexado de forma automatizada é un dos aspectos aos que
se lle está a dedicar maior esforzo.
Ademais, indica que se poderán asociar metadatos de carácter complementario,
para as necesidades de catalogación específicas que non estarán
suxeitos ás prohibicións de modificación establecidas para os metadatos
obrigatorios.
Para manexar os metadatos dende unha perspectiva xeral parece necesario
elaborar un esquema de metadatos para a xestión de documentos electrónicos.
Figura 4: Perspectiva
multi-entidade dos
metadatos. (Fonte:
traballo en curso no
ENI).
289