Actas do Seminario Internacional O futuro da memoria - Arquivos de ...

210
están dispoñible nas súas versións actuais, máis que nas obsoletas. Os ficheiros
de datos e os ficheiros de documentación convértense a formatos de ficheiro
que están tan próximos como é posible a ASCII para texto, ou TIFF para
imaxes, para facer posible a conservación, e o contido dixital cópiase dende
os soportes de almacenamento máis antigos aos novos de maneira regular.
Os procesos de migración están regulados por políticas e aplícanse sistematicamente
(McGovern).
Outro exemplo do uso conxunto da normalización e a migración queda
demostrado no Florida Digital Archive (Caplan, 2007), que emprega unha estratexia
de migración activa que pretende perder o mínimo posible, e reter o
contido, a apariencia e os comportamentos da fonte (Caplan, 2007, 307). Os
formatos de ficheiro tratados mediante migración son AIFF, AVI, JPEG, JP2,
JPX, PDF, TIFF, WAVE, XML, XML DTD, QuickTime, e texto plano. Estes formatos
foron seleccionados baseándose na asunción de que a maioría de ficheiros
das bibliotecas participantes serían ficheiros documentais de texto,
imaxe, ou son, en tanto opostos a software executable. Desenvolvéronse fluxos
de tarefas e rutinas para a migración destes formatos. Os ficheiros recibidos
polo arquivo noutros formatos para os que non hai dispoñible ningunha
rutina de migración se conservan como cadeas de bits, pero pode que
estes se migren no futuro se o arquivo recibe unha petición de acceso a estes
ficheiros. Posto que o desenvolvemento de rutinas de migración para novos
formatos de ficheiro require recursos considerables, os ficheiros engadidos
ao arquivo se normalizan a un dos formatos de ficheiro soportados. Os
PDF, por exemplo, convértense a imaxes TIFF durante os procesos de inxesta.
Os datos cambian
Como xa se fixo notar, dúas estratexias de conservación que se aplican de
maneira común son a conversión/normalización e a migración. Ambas teñen
asociados moitos problemas no relativo á conservación de materiais arquivísticos;
ambas as dúas cambian os datos, e ao longo do tempo se acumulan
pequenos cambios incrementais que dan como resultado alteracións importantes
dos datos orixinais.
Observemos máis preto a migración. O proceso de migración cambia os
datos. Estes cambios poderían implicar a transformación da codificación dixital
dos datos para facelos máis adecuados para a súa conservación, ou a
transformación do ficheiro ou obxecto orixinal nunha forma que poida ser
procesada con ferramentas que sexan eficaces no momento do acceso. Repetidas
migracións, cada unha das cales realiza pequenos cambios, poden
acumular alteracións importantes dos datos; noutras palabras, os datos