Actas do Seminario Internacional O futuro da memoria - Arquivos de ...

los evolutivos de continuidade relativos á progresión da macrovaloración na
Era Dixital, merece a pena resumir os principais factores que sitúan as orixes
prácticas e os seus inicios teóricos (Cook, 2005, 101-161; Brown, 2000, 15-
32; Brown, 1999, 113-122; Brown, 1998, 51-65; Brown, 1991-1992, 34-56;
Brown, 1991, 152-156) 13 . Algúns destes factores seguen a permanecer intactos
e relevantes hoxe en día dentro do entorno dixital e a súa migración circunstancial
cara o futuro segue a requerir formas de intervención estratéxica,
se ben de natureza, perspectiva e constitución algo diferentes ás anteriores
proposicións e resolucións.Chamada formalmente o Government-Wide
Plan for the Disposition of Records, a estratexia canadense de macrovaloración
foi articulada en gran medida como resposta ás recomendacións e directrices
contidas nunha serie de estudos internos, auditorías e declaracións
de estratexia. Estas foron orixinalmente concibidas e desenvolvidas primeiramente
para abordar diversas cuestións práctico-loxísticas concernentes aos
fins e obxectivos respecto ao patrimonio e á memoria do anterior Arquivo
Nacional, así como a outros roles e responsabilidades á luz das novas leis e
políticas sobre información promulgadas polo goberno federal ao longo da
década dos oitenta, incluídas a Access to Information Act y la Privacy Act
(1983), a nova lexislación nacional arquivística de 1987 (a National Archives
of Canada Act), e a introdución por parte do Secretariado da Xunta do Tesouro
da política Management of Government Information Holdings (1988)
(Nelson, 1995; Treasury Board of Canada Secretariat, 1994) 14 . En efecto, o
Arquivo Nacional de Canadá decidiu examinar o seu funcionamento corporativo
con vistas á mellora da provisión de programas e servizos, como institución
nacional que conserva o patrimonio documental e como axencia central
que facilita a xestión de documentos gobernamentais con responsabilidades,
poderes e autorizacións estatutarios específicos, relativos á súa valoración,
selección ou destrución. No camiño, apareceron algunhas significativas
revelacións e resolucións acerca do valor arquivístico e histórico dos documentos
públicos e a identificación e determinación destas ‘calidades’. Estas
revelacións e resolucións atoparían unha codificación estratéxica, metodolóxica
e de xestión nun corpo de teorías e procesos ao que chamo o Manifesto
da Macrovaloración.
O primeiro conto: a crise dos valores arquivísticos e históricos
Gran parte do debate e da discusión institucionais enfocáronse inicialmente
sobre os roles e as responsabilidades do Arquivo Nacional dentro do proceso
de ‘establecer calendarios de documentos’ do goberno, isto é, dentro do
marco tradicional de xestión da información. De feito, a nova suite de lexis-
229