Actas do Seminario Internacional O futuro da memoria - Arquivos de ...

lizar o cadro, polo que se optou por deixar liberdade ao servizo xestor para
organizar a estrutura de carpetas, pero obrigando a inserir uns metadatos no
momento de incorporar o documento á zona de arquivo: eses metadatos dirannos
o tipo de documento (segundo o listado que aparece no anexo VII),
o servizo produtor, o título do documento, a data de creación, etc. No momento
da transferencia ao arquivo esta información será a que nos permita
clasificar e describir adecuadamente a documentación.
Transferencias
As transferencias de expedientes ao Arquivo central electrónico realizaranse,
como norma xeral e mentres non se decida outro prazo, un ano despois do
peche do expediente. Nese momento formarase un «paquete» cos diversos
documentos que compoñen o expediente, cos seus metadatos, o seu índice
e os metadatos do expediente, e será este paquete o que se transfira ao Arquivo
(Nualart, 2008).
Esta transferencia non ten por que implicar un cambio de repositorio ou
servidor, pero si, e isto é o importante, un cambio de responsabilidade. Dende
o momento en que o expediente «paquete» é aceptado no Arquivo e selado
por este, as decisións sobre el serán responsabilidade do Arquivo, o que
deberá aplicar as políticas de conservación e eliminación, realizar os cambios
de formato, ocuparse da recuperación da información e da súa posta a disposición,
controlar as consultas e aplicar as políticas de acceso, así como realizar
os reselados necesarios.
Arquivo electrónico
O Concello de Zaragoza decidiu xestionar o Arquivo electrónico co motor Fedora
e o interface de usuario Muradora. Fedora Commos (CENATIC, 2009) 4
é un software de arquitectura modular desenvolvido en Java para a administración
de activos dixitais (Digital Asset Management) sobre o cal poden ser
implementados moitos tipos de repositoriso dixitais como bibliotecas dixitais,
repositorios institucionais, arquivos dixtiais, galerías de imaxes, arquivos de
audio e vídeo, etc. Encárgase de definir os rexistros e executar/manter as políticas
de conservación e ten interfaces para as distintas necesidades do arquivo,
almacenamento, sinatura-reselado, obsolescencia de formatos… Muradora
é unha interface de usuarios creada expresamente sobre Fedora para
a xestión das consultas, buscas e recuperación da documentación. Nestes
momentos estase a traballar na implantación das pantallas de busca e recuperación
e do esquema de metadatos elaborados polo Arquivo.
335