Actas do Seminario Internacional O futuro da memoria - Arquivos de ...

4. calquera dato do que o propietario dite que debe estar presente para
efectos de control da valoración e selección dos documentos. O acordo
de servizo resume a lóxica subxacente do arquivo nun conxunto de requisitos
de metadatos. Con posterioridade a esta etapa de «adquisición» do
proceso, o servizo de Inxesta do OAIS procesa o documento, asignándolle
unha URI que será o ID permanente da transacción arquivada e «empaquetando»
o envío cun envoltorio de metadatos, que crea un paquete
de información arquivística completo.
Os almacéns remotos de datos non eran unha solución práctica nunha era
anterior á rede, así como tivemos que imaxinar depósitos certificados en, ou
polo menos para, cada organización que creara documentos con enlaces de
negocio e técnicos bastante estritos entre a organización creadora e o seu depósito
arquivístico. Hoxe en día, cun servizo arquivístico de xestión de documentos
que almacene documentos «na nube» baixo os termos dun contrato
axeitado (CAARA, 2010), todos os documentos nun formato dado poderían
migrarse dunha vez con independencia da súa «propiedade» (p. ex., a súa procedencia)
ou a súa localización física. O proceso de verificación de equivalencia
técnica acordado polas partes interesadas no arquivar pode executarse sobre
todos os documentos nese momento. Os creadores individuais e as axencias
poden ser relevados da responsabilidade de xulgar acerca de cando migrar
ou como migrar datos, que foron incapaces de exercer adecuadamente.
Agora que moitas transaccións que requiren o arquivar teñen lugar en
ámbitos de aplicacións totalmente distribuídos (incluídos móbiles) que implican
o intercambio de tokens (a facturación dixital nos avións) entre axentes
máquina, ou que usan control remoto (inspección por videocámara) por vez
de inspección persoal in situ, é natural asumir que o documento vive na nube
e que o acceso queda apoiado dende calquera lugar, en calquera momento.
A cuestión que os arquiveiros teñen que abordar é o modo en que o documento
chega alí, como queda asegurada a súa autenticidade polo servizo
que o mantén, e o modo en que os requisitos legais da xurisdición dos propietarios
se impoñen sobre o provedor de servizos para garantir que o propietario
pode satisfacer eses requisitos.
Implantacións dunha inxesta automática conforme con OAIS
Dado que as arquitecturas orientadas a servizos están xeneralizadas e teñen
éxito, esperaríamos descubrir que xa están a ser despregadas en contextos
arquivísticos. En efecto, outros arquiveiros promoveron o potencia de SOA
para os arquivos (Evans, 2008; Reed, 2008), pero non se enfocaron especifi-
163