Actas do Seminario Internacional O futuro da memoria - Arquivos de ...

48
A gobernanza na Internet
A gobernanza na Internet ten moito en común coa «auto-regulación» e os
controis éticos das comunidades de interese común que dependen de sistemas
de valores compartidos. A UNESCO define a gobernanza na Internet en
termos de normas éticas e legais:
A gobernanza na Internet é o desenvolvemento e a aplicación por parte dos gobernos,
o sector privado e a sociedade civil, nos seus roles respectivos, de principios,
normas, regras, procedementos de toma de decisións e programas que
conformen a evolución e uso da Internet (UNESCO, 1995-2010).
A subministración de servizos dixitais por medio da Internet incrementou
en gran maneira o risco para a privacidade, a manipulación fraudulenta de
datos e a facilidade coa que os documentos poden reproducirse sen atribución.
A información persoal está particularmente en perigo porque as transaccións
electrónicas identifican as partes na transacción, así como os individuos
que son suxeito do documento. Aínda que a privacidade parece ser menos
significativa para a actual xeración de usuarios da Internet, o atentado
aos ámbitos de privacidade dos usuarios de Facebook en 2009 indica que este
non é sempre o caso e que a presión da comunidade pode ser eficaz para
crear ámbitos de privacidade máis transparentes (Townsend, 2010).
No inicial desenvolvemento da Internet como espazo público, existía incerteza
respecto á medida en que os sistemas legais existentes baseados en
xurisdicións eran tanto aplicables como executables no que parecía ser unha
Internet «sen fronteiras». A aparente ruptura das regulacións legais da Internet
foi evidente desde os temperáns fracasos xudiciais en impoñer leis sobre
espazos físicos. Estes fracasos incluían os intentos de apagar os servidores da
Internet onde o tribunal tiña a súa xurisdición, só para descubrir que, simplemente,
o servidor se cambiaba a un país onde a lexislación sobre Internet para
os Provedores de Servizo da Internet era máis liberal, ou a orde de que o
Provedor de Servizos da Internet (ISP) deshabilitase o acceso aos residentes
dentro da xurisdición do tribunal, que tivo certo éxito en tempos recentes,
por exemplo, Google foi forzado polo goberno chinés a pechar o seu funcionamento
local. Os gobernos nacionais seguiron a tratar de impoñer as súas
propias leis sobre as actividades da Internet. A lexislación sobre censura da
Internet en Alemaña e o sistema australiano de filtro da Internet son bos
exemplos.
A pesar dos sistemas financeiros globais interdependentes, as preocupacións
comúns sobre seguridade, a migración de persoas a grande escala, e
as preocupacións dun entorno global, a gobernanza internacional tivo un