Actas do Seminario Internacional O futuro da memoria - Arquivos de ...

lece a obriga da Administración central de comezar a provisión de todos os
tipos de servizos administrativos ao público en liña e en soportes electrónicos
a partir do 31 de decembro de 2009 (Gobierno de España, 2010).
A e-gobernanza, por outra parte, foi descrita como unha política de propublicación
de información que proporciona acceso directo ao funcionamento
do goberno os seus cidadáns utilizando as tecnoloxías da Internet, incluído
o é-referendo en liña. Pode implica a interacción en liñas con comunidades
de interese, simplificando os impedimentos legais para reutilizar a información
do goberno, como os dereitos de autor, e separando a información
persoal da non persoal para os efectos de acceso aberto (Reinecke, 2009).
A e-gobernanza desprázase dende unha tecnoloxía enfocada sobre os sitios
web para compartir e reutilizar a información gobernamental en liña por parte
de funcionarios públicos e cidadáns.
En Australia, a e-gobernanza está intimamente enlazada coas iniciativas
de goberno aberto que incluíron reformas federais e estatais das leis sobre
liberdade de información. A nivel nacional, a peza central destas reformas foi
o establecemento da Oficina do Comisionado Australiano de Información,
para promover unha cultura de pro-publicación dentro do Servizo Público
australiano, e de dous novos titulares independentes, o Comisionado Australiano
de Información e o Comisionado de Liberdade de Información. Os comisionados
teñen unha ampla gama de funcións relativas á liberdade de información
para promover a apertura e a transparencia, tal e como pretenden
as reformas do Goberno, e como ven lexislando na Lei do Comisionado Australiano
de Información de 2010 e na Lei de emenda (reforma) de liberdade
de información de 2010. Baixo estas reformas existen cambios á Lei federal
de arquivos de 1983, cun período de comezo de acceso aberto á maioría dos
documentos de 20 anos en lugar dos actuais 30 anos. O acceso ás actas do
Gabinete comezará despois de 30 anos por vez dos actuais 50 anos. Estes
períodos máis próximos de acceso aberto serán graduais ao longo de 10
anos, a partir do 1 de xaneiro de 2011. A e-gobernanza debería proporcionar
acceso sen fisuras ao longo de todo o dominio arquivístico. Por exemplo,
o Reino Unido creou capas de acceso á información do Goberno mediante
os seus sitios web no punto de creación, máis que estruturar os datos para
a súa reutilización pública na súa etapa posterior (Reinecke, 2009: 6). O acceso
electrónico aos documentos do Goberno require reunir as provisións de
acceso de toda a lexislación relevante, isto é, o dereito público a coñecer, tal
e como ven expresado na Liberdade de Información (FOI), os dereitos de acceso
público na lexislación arquivística, e o dereito á privacidade na lexislación
sobre privacidade. Actualmente, a lexislación sobre acceso de moitas xurisdicións
está con frecuencia fragmentada e ás veces en conflito.
53