Actas do Seminario Internacional O futuro da memoria - Arquivos de ...

230
lación e políticas de información dos anos oitenta situara o arquivo de maneira
vantaxosa dentro do ciclo de vida da información do goberno, na medida
en que a xestión da información na súa fase final de valoración e selección
requiría agora a autorización formal do Arquiveiro Nacional. Isto capacitou
ao Arquivo para intervir de maneira positiva e proactiva no proceso de
xestión da información para conservar documentos arquivísticos e históricos,
dado que:
❚ Ningún documento do goberno podía destruírse sen o consentimento
escrito do arquiveiros nacional.
❚ O arquiveiro nacional tamén tiña autoridade para identificar os documentos
arquivísticos e históricos e para requirir a súa transferencia ao Arquivo
Nacional. Alternativamente, estas ‘intervencións’ tiveron consecuencias,
de maneira notable que os correspondentes ‘calendarios de documentos’
departamentais tamén tiñan que ser autorizados. Isto vinculou
a valoración e a selección de documentos dentro dos departamentos e
das axencias directamente coa toma de decisións dentro do proceso de
valoración arquivística. Inadvertidamente en un curso rápido este vínculo
sumiu o Arquivo Nacional nunha crise de valores arquivísticos e históricos.
Para resumir a situación de maneira breve, a demanda por parte dos departamentos
e das axencias da autorización do Arquivo Nacional para dispoñer
dos documentos —en forma de permiso formal escrito que proporcionaba
ás institucións do goberno capacidade para proceder á implantación dos
seus ‘calendarios de documentos’— excedeu rapidamente a capacidade do
AN de dúas maneiras. Primeiro, naquel momento (c. 1990) realmente non
había en vigor ningún proceso formal dentro do goberno que previse o proceso
de valoración e selección dos documentos do goberno como unha actividade
de petición e aprobación entre o Arquivo Nacional e os departamentos.
O proceso de valoración e selección dos documentos do goberno tiña
que crearse, e necesitaría un intervalo de 4-5 anos de experimentación, investigación
e desenvolvemento, antes de que algo satisfactorio e robusto comezara
a emerxer de maneira codificada.
Isto incluiría finalmente todos os elementos e pasos administrativos requiridos
para xestionar a valoración e a selección dos documentos do goberno
e a valoración arquivística, agora vinculadas nunha soa transacción (la concesión
de autorización), incluídos o desenvolvemento e a xestión de peticións
de selección de documentos departamentais, os correspondentes informes
de valoración arquivística, os instrumentos para a autorización da valoración
e selección de documentos, os acordos de valoración e selección de docu-