Actas do Seminario Internacional O futuro da memoria - Arquivos de ...

da Sociedade da Información no Dereito Administrativo26 . Aínda que o obxecto
semella ser garantir o dereito dos cidadáns de relacionarse coas administracións
públicas por vía electrónica27 , a lei vai máis alá: ese obxecto é a Administración
electrónica in totum pois formula os problemas e necesidades
que a Administración electrónica entraña e prevén no articulado que o seu
funcionamento os considere en todo momento: normas sobre autenticación,
tipos de sinatura electrónica, réxime de transmisións de datos, notificacións,
rexistros, documentos e arquivos electrónicos, etc. (Gamero, 2008, pp. 55-
56). E aínda que será a estes últimos aos se cinguirá con maior detalle este
traballo, é premisa previa facer un esbozo, sequera apresurado, da LAE.
Apuntado o seu obxecto, os fins da lei resúmense basicamente no recoñecemento
das vantaxes da Administración electrónica nas relacións xurídico-administrativas28
: Facilitar o exercicio de dereitos e o cumprimento de deberes
por vía electrónica, eliminando barreiras, aumentando a transparencia,
mellorando e simplificando o funcionamento da Administración pública. Como
diciamos ao principio, a Administración electrónica non supón tan só dixitalizar
o preexistente.
O seu ámbito de aplicación29 comprende as distintas administracións públicas,
aínda que deixa algunha lagoa que xa causou problemas, tamén en
canto ao réxime xurídico de arquivos e documentos se refire30 .
En canto á súa posición no sistema de fontes31 , isto é, na xerarquía normativa
que determina a súa aplicación obrigatoria ou subsidiaria en concorrencia
con outras normas estatais ou autonómicas, a LAE foi criticada por
ter cedido un grande espazo ao desenvolvemento regulamentario das súas
previsións en beneficio doutras administracións públicas (Estado, comunidades
autónomas, Administración local, etc.), o que pode supoñer unha verdadeira
centrifugación do réxime xurídico das administracións públicas e do
procedemento administrativo común32 . A única vía que permitiría minorar as
consecuencias é a derivada do importante papel que se reserva ao Estado
(art. 42 LAE) en materia de interoperabilidade, obxecto do Real decreto
4/2010, de 8 de xaneiro, polo que se regula o Esquema Nacional de Interoperabilidade
no ámbito da Administración electrónica (en adiante RDENI) e
cuxas normas técnicas de desenvolvemento aínda non viron a luz33 . Semella
indiscutible que a normalización e a interoperabilidade inherentes á Administración
electrónica e ás tecnoloxías da información en xeral abocan sen remedio
á colaboración entre as distintas administracións públicas. Un exemplo
o constitúe a conclusión do documentos do documento do Goberno de
Navarra «Principales tendencias en materia de Administración electróncia»,
inserto no Documento Marco de Administración Electrónica (Documento,
110):
103