Actas do Seminario Internacional O futuro da memoria - Arquivos de ...

Máis alá de redes distribuídas:
gobernanza participativa da memoria dixital
Introdución: conectividade,
interdependencia global e e-gobernanza
O equilibrio entre tecnoloxía, complexidade e regulación é sen dúbida un dos
maiores retos que o mundo debe abordar no século XXI. Non podemos permitirnos
o luxo de seguir a facelo mal (Fisher, 2010).
Esta aserción de Kenneth Rogoff, un profesor de política pública en Harvard,
citado por Peter Fisher, un especialista en adaptación ao cambio climático,
formula en relación cos seguintes eventos que Fisher utiliza para ilustrar
a interdependencia dos sistemas globais.
En agosto de 2003, o nordeste de América experimentou unha irritante caída
do seu sistema de electricidade que derivou dunha «flutuación de enerxía» en
Nova York; afectou a 45 millóns de persoas en oito estados e a outros 10 millóns
en Ontario, en Canadá.
Aínda así, os deseñadores de sistemas seguen enganchados á construción de
sistemas maiores e máis entrelazados, incluso aínda que isto converta as súas creacións
en candidatas primarias para a inestabilidade. Eles queren amplialos para
espazar a carga de procesamento informático, o tráfico de enerxía ou o risco financeiro,
pero pasan por alto o feito de que unha vez que todo está conectado,
os problemas poden espallarse tan inmediatamente como as solucións, algunhas
veces máis como testemuña o apagamento en sucesivo nos Estados Unidos.
Necesítanse estratexias personalizadas para illar as redes, para que poidan
seguir a funcionar cando se produzan puntos de fallo en redes relacionadas, ou
para illar partes dunha soa rede cando se produzan puntos de fallo nalgún lugar
da mesma rede.
Livia Iacovino
Monash University
41