Actas do Seminario Internacional O futuro da memoria - Arquivos de ...

atenderon a Arquivística en tanto considerou o documento, retrospectivamente
dende o usuario, como fonte para a investigación e non dende a perspectiva
do creador como evidencia de actos ou transaccións da sociedade.
(Duranti, Eastwood, e MacNeil, 2002)
Outros estudos de alfabetización informacional aplicados á Arquivística
dedicáronse ao establecemento de axendas de investigación do tema na disciplina
ou no espazo interdisciplinar das ciencias da información. Para aqueles
que consideran a Arquivística unha ciencia converxente nas ciencias da información,
a alfabetización informacional pertence á área do comportamento
informacional, que é pola súa vez unha das tres áreas que comparte matriz
interdisciplinar. (Malheiro, 2008, 19)
Atendendo ás necesidades do goberno electrónico dende o recoñecemento
de que este non constitúe en si mesmo obxecto central de análises
por parte da Arquivística, resulta imposible desasociar a aplicación das TICs,
e as competencias técnico-cognitiva necesarias para lidar con elas, das competencias
informacionais que require o usuario/cidadán para interactuar co
sistema arquivístico. O goberno electrónico forza a millóns de cidadáns a utilizar
as tecnoloxías para atender as súas necesidades de comunicación coa
administración. Iso convérteos, ate certo punto, en usuarios cativos dos sistemas
arquivísticos nos que se deseñan, se crean e manteñen os documentos
onde se rexistra a dita comunicación. Como xeneralidade este conxunto
heteroxéneo e significativamente voluminoso de usuarios, presenta características
máis complexas e difíciles de tratar que aqueles atendidos polos sistemas
arquivístico en ambientes tradicionais. A necesaria mediación de artefactos
tecnolóxicos para o acceso á información no ambiente dixital, ante a
imposibilidade humana de decodificar o novo modelo simbólico de rexistro
da información, provoca un profundo impacto cultural na “xente” que, como
consecuencia da expansión das TICs en todas as esferas da vida necesita
novas habelencias e destrezas para solucionar problemas da súa vida cotiá
doméstica, laboral e na súa imprescindible interacción co administración,
baixo un novo modelo comunicacional. Entonces a propia forma de interacción
goberno/administración pública-usuario/cidadán, no caso das iniciativas
de goberno electrónico, cos seus propósitos declarados de participación, responsabilidade,
transparencia, necesitan ser pensadas non só dende solucións
tecnolóxicas que contribúan a tales propósitos senón con enfoques que teñan
en contar o grado de habelencia e destreza do usuario/cidadán para
interactuar e participar.
Outro elementos que non se atende debidamente nestas abordaxes é que
o funcionario encargado de utilizar as diferentes aplicacións tecnolóxicas debe
ser asumido como un usuario con problemáticas similares ao cidadán en
85