Actas do Seminario Internacional O futuro da memoria - Arquivos de ...

pensado cando se obteñen froitos dos acordos e se contemplan os resultados
conseguidos.
Nestes convenios a consellería competente en materia de arquivos garante
o cumprimento da normativa arquivística e vela pola seguridade dos fondos
documentais suxeitos a posible traslado para executar a súa dixitalización,
que debe contar, así mesmo, coa autorización do arquivo titular10 .
A Fundación Integra comprométese a aportar o financiamento (que se nutre
dos seus propios orzamentos e do Fondo Europeo de Desenvolvemento Rexional),
a contratar os traballos de dixitalización e á súa difusión web a través
do portal Rexión de Murcia Dixital11 . Obrígase tamén a ceder á institución
propietaria dos documentos unha copia en alta e outra en baixa resolución
(mínimo de 300 dpi e máximo 150 dpi, respectivamente), e ao Arquivo Xeral
da Rexión unha copia de todos os documentos dixitalizados, como medida
de seguridade e para supervisar a súa posterior descrición. A Fundación
Séneca colabora na difusión dos resultados do proxecto entre a comunidade
investigadora e coopera, frecuentemente, coa convocatorio para tarefas técnicas
de descrición dos documentos dixitalizados. Por último, os propietarios
dos documentos (xeralmente arquivos públicos pertencentes maioritariamente
ás corporacións locais) facilitan o acceso aos mesmos para os fins definidos
no proxecto CARMESÍ, permiten, no caso de ser necesario, o seu traslado
ao centro de dixitalización co que se contrate o traballo e, a través dos
arquiveiros municipais ou de persoal técnico contratado —onde o hai —,
colaborar na súa descrición.
Os resultados
Para a análise e avaliación dos resultados do proxecto CARMESÍ a unidade
de medida non debera quedar restrinxida ao número de imaxes. A cantidade
actual, que se cifra en 587.846 imaxes obtidas en cinco anos de actividade
(por debaixo doutras iniciativas de maior calado e orzamento), devén da
mesura e moderación coa que medra e progresa o proxecto. Aínda que é importante
o dato numérico das imaxes efectuadas, o seu principal activo hai
que buscalo no amplo conxunto de arquivos participantes, a diversidade de
fontes que acolle e no feito de que, fronte a outros proxectos, todos os rexistros
levan asociadas as imaxes. O primeiro ano (2005) a dixitalización acadou
a todos os documentos medievais da rexión custodiados en arquivos públicos.
No período quedou comprendido no período cronolóxico situado entre
1245, data do primeiro documento conservado —unha carta de Fernando
III dirixida á cidade de Mula outorgándolle o Foro de Córdoba—, e 1504,
ano da morte da raíña Isabel e, por tanto, final do reinado dos Reis Católi-
379