Actas do Seminario Internacional O futuro da memoria - Arquivos de ...

60
mentarse a partir de toda unha gama de puntos de vista filosóficos que recoñecen
a dignidade e o valor do individuo como membro da súa comunidade.
Os especialistas en ética da virtude enfócanse sobre a conduta centrada
na persoa máis que centrada sobre a regra ou o deber para fomentar a
honestidade e outros resgos do carácter que conducen a unha conduta en
liña responsable.
Aínda que con frecuencia se lle concede preeminencia aos dereitos, identificar
os roles e as respectivas obrigas legais e éticas dos participantes en liña
na xestión de documentos inclúe:
❚ un provedor de contido que pode que non sexa nin o autor nin o propietario,
pero que ten a obriga de obter permiso dos autores para utilizar
a obra e respectar a integridade da obra;
❚ un contribuidor que é un autor dunha obra orixinal e que ten a obriga
de recoñecer as fontes usadas;
❚ un suxeito do documento que pode que tamén sexa un contribuidor de
contido e por tanto un autor coas mesmas obrigas que calquera outro
contribuidor;
❚ un receptor de contido ten obriga de pedir permiso de reutilización aos
autores;
❚ un usuario de terceira parte ten a obriga de obter consentimento explícito
dos autores se reproducen información;
❚ o propietario ou host dun sitio web é o controlador primario a nivel ético
responsable do contido, e
❚ unha terceira parte fiable ten as obrigas de proporcionar confianza en
liña mediante procesos de autenticación, e de asegurar acceso e conservación
a longo prazo os recursos arquivísticos.
Implantación da gobernanza participativa
Un modelo participativo pode utilizar tecnoloxías e protocolos inmediatamente
dispoñibles que proporciona intercambio de documentos entre sistemas de
software, autentican e atribúen propiedade mediante o uso dun cadro de
acreditación ou un sistema de anotacións. Na e-gobernanza o uso de terceiras
partes fiables, que inclúen autoridades de sinatura dixital, autenticación de
participantes e selos fiables para sitios web, está ben establecido, e ten que
estenderse a servizos externalizados. A autorización de roles é un elemento
importante nas partes que autentican en sistema externos, incluída a «nube».
Un exemplo australiano do modelo participativo no contexto arquivístico
é o Koorie [indíxenas de Victoria] Archiving System que está a usar tecnolo-