Actas do Seminario Internacional O futuro da memoria - Arquivos de ...

mentos, os termos e condicións dos acordos para a transferencia dos documentos
con valor arquivístico, etc.; e finalmente pero non en menor grao, a
creación dun secretariado armado coa capacidade de supervisión administrativa
e de planificación mediante ferramentas automatizadas de xestión de
proxectos. E non só o Arquivo Nacional tiña que desenvolver e implantar todos
os procesos, os instrumentos e a infraestrutura administrativa practicamente
dende ‘cero’; todo o paquete tiña que ser negociado e acordado tamén
cos departamentos baixo os auspicios da política de xestión da información
da axencia central (en Canadá o Secretariado da Xunta do Tesouro é a
axencia central responsable da política administrativa aplicable a todos os
departamentos). A pesar de ser o axente que autorizaba dentro do proceso
de valoración e selección de documentos do goberno, o arquiveiro nacional
non estaba en posición de actuar unilateralmente. En calquera caso, non sería
prudente facelo. Como queira que finalmente o Arquivo Nacional desenvolvería
a teoría, a metodoloxías e os criterios de valoración arquivística, todo
se tiña que poder implantar na práctica, e isto requiriría necesariamente
a cooperación dos departamento e do Secretariado da Xunta do Tesouro.
Non quero estenderme no procedemento administrativo e no proceso da
macrovaloración, pero é unha parte tan importante do actual programa de
valoración e selección de documentos do goberno de LAC como os elementos
e as características asociados á política da súa teoría, a súa metodoloxía
e os seus criterios de valoración, cos que a maioría do mundo arquivístico está
agora familiarizado. Non podo salientar en demasía o importantes que foron
a creación, o desenvolvemento e a adaptación continuados de eficacias
administrativas e de xestión na nosa articulación e na nosa implantación do
contido intelectual da macrovaloración ao longo do tempo, nin o modo en
que a mellora das actividades segue a animar os desenvolvementos dentro
do contexto da xestión de documentos gobernamentais hoxe en día na LAC.
Nos primeiros años, o Arquivo Nacional proporcionou de maneira moi deliberada
á macrovaloración un forte fundamento en planificación de xestión
de proxectos, análises de sistemas de información e calendarios de actividades
de valoración, informes de decisións, seguimento de documentos, negociación
co cliente, e rendición de contas e/ou sinatura de instrumentos e
aprobacións. O noso punto de vista actual é que a constitución e a construción
da memoria pública (ou ‘estatal’) —como calquera outro elemento da
empresa pública— debe estar baseada en políticas e apoiada por procesos
lóxicos e procedementos administrativos. De feito, isto representa un elemento
clave dentro do mantra da modernización institucional baixo o noso
novo bibliotecario e arquiveiro, isto é, a articulación e a conservación da memoria
pública é un obxectivo da política pública e implántase dentro do con-
231