Actas do Seminario Internacional O futuro da memoria - Arquivos de ...

to ao número de usuarios no sistema SIGA-AKIS, dende maio de 2004 a setembro
2010, temos un total de 10800. O número de solicitudes recibidas
dende 2001 ate o 30 de decembro de 2010 ascende a un total de 22.760,
das cales 2694 son dende 2001 ate 2003 e o resto, isto é 20.075 foron recibidas
dende a posta en marcha do SIGA-AKIS en maior de 2004. O máis
rechamante é o número de consultas efectivas aos formularios que contabilizamos
dende febreiro de 2008 e que nos falan dunha media diaria de máis
de 5.000 consultas aos formularios de bautismos.
Trala posta en marcha da páxina web no ano 2004, o número de usuarios
presenciais aumentou, porque a web actuou como un poderoso altofalante
que deu coñecer o Arquivo en lugares e colectivos para os que o Arquivo
e a súa documentación eran totalmente descoñecidos. Como mantiñamos
a cita previa, implantada dende o ano 1998, aumentaron as listas de
espera. É importante tamén insistir en que a posta en marcha do SIGA-AKIS
non supuxo un descenso inmediato das visitas e solicitudes de usuarios presenciais,
pero si constatamos que moitos dos usuarios presenciais cursan as
súas peticións a través da web. A lista de espera aumentou ao principio, aínda
que a raíz do funcionamento da consulta de imaxes na sala, o tempo para
obter unha cita —e un posto de consulta na sala— puido, por fin, reducirse.
Constatamos que os usuarios presenciais veñen menos veces ao arquivo,
porque localizan a documentación en menos tempo.
Ademais da consulta de orixinais (moi restrinxida por cuestións de conservación)
e de microfilmes (máis do 85% dos fondos está microfilmado), pódese
acceder ás imaxes dixitalizadas, ben dende o microfilme —caso das series
sacramentais— ou dende o orixinal— pergamiños e algúns documentos de
maior interese, así como as últimas transferencias de documentación sacramental
non microfilmada—. É previsible que, a medio prazo, despois dun período
de convivencia, os ordenadores substitúan na sal aos lectores de microfilme
e este soporte volva recuperar a súa función exclusiva de copia de seguridade,
sendo a copia dixitalizada a destinada á difusión. De feito, aínda que
mantemos os lectores de microfilme na sala, cada vez son menos utilizados
polos usuarios que prefiren maioritariamente utilizar as pantallas de ordenador.
Xa notamos un cambio de comportamento nos usuarios presenciais, porque
moitos deles realizaron as buscas on-line dende os seus domicilios ou lugares
de traballo e xa veñen ao Arquivo para consultar os documentos «a tiro
fixo». Isto axiliza a súa investigación e desborda aos responsables de sala,
porque, ao ser a localización máis rápida, hai máis peticións de unidades documentais
(en calquera soporte). Téñase en conta que ao ser máis coñecido
o arquivo, cada día poden chegar varios usuarios que descoñecen totalmente
o funcionamento do mesmo, polo que o persoal ten que asesorar conve-
359