Actas do Seminario Internacional O futuro da memoria - Arquivos de ...

324
de requisitos legais para a validez e eficacia dos procedementos administrativos
que utilicen medios electrónicos, informáticos e telemáticos,
establecendo para cada sistema de información responsables diferenciados
de información, dispoñibilidade e seguridade.
❚ A Administración pública debe actuar como elemento xerador de
confianza nos medios electrónicos (e-confianza), que promovan un tecido
empresarial sólido na seguridade da información e incremente a
confianza e a protección dos dereitos da cidadanía galega na Sociedade
da información.
O Plan de Modernización
da Xunta de Galicia – O acceso do cidadán
O desenvolvemento da Administración electrónica debe asumir os obxectivos
de creación de servizos públicos de calidade e a consolidación da Sociedade
da Información. Implica a eliminación, ou drástica redución dos tempos
de espera na tramitación, a redución da documentación a aportar por parte
das empresas. Supón tamén un aporte de competitividade ás empresas, a introdución
masiva da sinatura electrónica ou a mellora da interoperabilidade
das administracións públicas.
Os principais factores que inciden na propensión ao uso das TIC por parte
dos cidadáns de Galicia son:
❚ A idade. A pirámide da poboación galega por idade en termos comparativos
con España amosa un desequilibrio importante cara os segmentos
de idades máis altos, cun punto de inflexión no segmento dos
45-50 anos. As baixas cifras de penetración e uso da Internet neses
segmentos de idade require un maior esforzo no ámbito da incentivación
da demanda con accións específicas para este colectivo.
❚ Nivel de formación: Na medida en que aumenta a idade, o nivel de
formación vai diminuíndo. O menor nivel formativo dos sectores de
idade máis altos e máis presentes en Galicia supoñen outra barreira
neste sector.
❚ Nivel de renda: O nivel de uso de elementos TIC (ordenador, internet…)
é menor nas familias con menos recursos económicos.
❚ Concentración xeográfica da poboación: En Galicia existe unha
forte polarización da poboación, cun total do 80% aproximadamente
da mesma que reside no 16% dos concellos, fundamentalmente arredor
do eixo atlántico Ferrol – A Coruña – Santiago – Vigo. Ademais,
existe unha forte dispersión da poboación fóra dos núcleos máis densos.
Do mesmo modo, os concellos das provincias do interior son de