Actas do Seminario Internacional O futuro da memoria - Arquivos de ...

304
sa vida temos contacto coa Administración pública (en calquera dos seus niveis
estatal, autonómica ou local). Así pois, as administracións públicas non
poden quedar á marxe da realidade social.
É no ano 2007, coa publicación da Lei 11/2007, de 22 de xuño, de acceso
electrónico dos cidadáns aos servizos públicos, o momento no que se produce
o impulso definitivo á integración da tecnoloxía na actividade das administracións
públicas. Esta regulación recoñece o dereito dos cidadáns —e
non só a posibilidade— de acceder mediante comunicacións electrónica á
Administración. A Lei 11/2007 dá o paso do «poderán» ao «deberán», é dicir,
o que na Lei 30/1992 se formulaba como algo opcional e recomendable
na Lei 11/2007 pasa ser unha obriga.
A Lei 11/2007 de acceso electrónico dos cidadáns aos servizos públicos,
supón un cambio transcendental no modelo establecido de relación co cidadán.
De feito, a súa razón de ser é o mellor servizo ao cidadán. Establécese
que esta lei debe axudar configurar unha administración moderna, dende o
convencemento de que as tecnoloxías da información permiten salvar as barreiras
que se interpoñen entre o cidadán e unha administración complexa,
con moitos ámbitos e diferentes niveis de proximidade ao cidadán. Ao falar
de barreiras, referímonos ao exceso de tempo que se dedica aos trámites, ao
desprazamento ate a situación física da administración, etc.
O seu ámbito de aplicación é a Administración Xeral do Estado, a Administración
das comunidades autónomas, a Administración local, e é aplicable
ás relacións cidadáns-administracións públicas e ás relacións entre administracións.
Non está de máis lembrar os principais dereitos que se lle recoñecen ao
cidadán:
❚ Elixir a canle de relación cos servizos das AA.PP.
❚ Non aportar datos xa en poder das AA.PP.
❚ A coñecer por medios electrónicos o estado de tramitación dos procedementos.
❚ A obter copias electrónicas de documentos que formen parte de procedementos
nos que teña condición de interesado.
❚ Á conservación electrónica do documento.
❚ A obter os medios de identificación electrónica necesarios para calquera
trámite electrónico con calquera administración pública.
❚ Á utilización de variados sistemas de sinatura electrónica.
❚ Á garantía de confidencialidade e seguridade dos datos.
❚ Á calidade dos servizos públicos prestados por medios electrónicos.
❚ A elixir as aplicacións para relacionarse coas AA.PP.
❚ Á tramitación a través dun acceso único por vía electrónica dos proce-