Actas do Seminario Internacional O futuro da memoria - Arquivos de ...

Goberno electrónico e alfabetización
informacional: contido para a formación
arquivística en América Latina1 Introdución
A emerxencia de políticas e estratexias de goberno electrónico na América
Latina, nas que se recoñecía a importancia das TICs para as administracións
públicas e o uso da internet en actividades gobernamentais, data da década
do 90 do século XX, sendo Chile e Brasil os países pioneiros en tales propósitos.
A maioría dos Estados da rexión deseñaron portais gobernamentais e
moitas das súas axencias estatais contan con presenza na rede. Estas prácticas
xeraron, durante case 20 anos, un importantes volume de información
vital para a evidencia e a memoria das sociedades latinoamericanas. Os propósitos
declarados nas estratexias de goberno electrónico respecto a potenciar
novas formas de relación entre o estado e os cidadáns e a complexidade
de xestionar este tipo de información electrónica obrigou a poñer énfase
no seu acceso, xerou novas responsabilidades fronte aos propios cidadáns e
requiriu novas habilidades cognitivas e tecnolóxicas nos arquiveiros.
Ao mesmo tempo, dende fins dos anos 80 do século XX comezou a producirse
no ámbito da Arquivística un proceso de reformulación dos seus conceptos
e principios tradicionais que se considerou como un cambio de paradigma.
Algúns autores o denominan “novo paradigma social”, referíndose
esencialmente á necesidade dunha práctica arquivística que reflicta mellor as
actividades de toda a sociedade e especialmente aquelas que rexistraban as
relacións entre os cidadáns e os seus gobernos. Esta perspectiva enfócase na
responsabilidade dos arquiveiros e os arquivos en facilitar o acceso dos cidadáns
a un tipo de información que potencie a responsabilidade, a transparencia
e a rendición de contas das organizacións.
No marco destes escenarios resulta significativo examinar as vantaxes da
consideración da alfabetización informacional nos estudos de Arquivística na
América Latina e o Caribe. Partindo da necesidade de desenvolver compe-
Mayra M. Mena Mugica
Departamento de Ciencias da
Información Facultade de Comunicación
Universidade da Habana
71