Actas do Seminario Internacional O futuro da memoria - Arquivos de ...

118
Algunhas recentes normas autonómicas amosan claramente as consecuencias
de todo isto ao regular, no marco establecido pola LAE e presidido
por políticas de mellora da calidade nos servizos administrativos, servizos de
información ao cidadán nos que o dereito de acceso ou non aparece ou o fai
mercé a unha simple remisión á normativa estatal78 . De aí o clamor xeral entre
boa parte da doutrina administrativa por unha nova regulación do dereito
de acceso, necesidade cualificada por algún como «unha das grandes tarefas
pendentes en España» (Cotino, 2008, 176 y ss.; Rivero, 2010, 39) 79 ,
máxime cando, partindo dun descoñecemento inexplicable, a confrontación
coa normativa en materia de protección de datos persoais fai verdadeiramente
insostible a situación. Pensemos que, no mundo da Sociedade da Información,
formúlase cada vez máis intensamente a cuestión do dereito ao
esquecemento ou que a confidencialidade dos datos se considera máis ameazada
no entorno electrónico (derivada do potencia de difusión dos medios
electrónicos). Quizá por iso se está a traballar nun anteproxecto de lei de
transparencia que moi recentemente foi filtrado á opinión pública80 . O texto,
por certo, volve formular cuestións interesantes dende a perspectiva, por
exemplo, das competencias81 .
En todo caso, non é sinxelo harmonizar coherentemente tan distintos elementos
como interese público, intimidade e privacidade, protección de datos
persoais e a secular tendencia ao escurantismo das estruturas administrativas.
***
Quizá, chegados a este punto, un se atope con máis preguntas que respostas.
Iso sucédelle, dende logo, a quen subscribe. Que vai pasar? Adiantar
unha resposta a este e a outros moitos interrogantes equivalería a facer un
exercicio de adiviñación. É certo que sempre existirá o arquivo como función
pero como se configure en canto a procesos, en canto a «sistemas» ou en
canto a responsabilidades está plenamente por ver.
Non é só cuestión de que a normativa estea moi abierta ou pendente de
desenvolvementos; ou que a evolución da tecnoloxías nos depare escenarios
nin siquera enxergados. É que xorden dúbidas por todas partes arredor de
cuestións ate agora axiolóxicas. Desaparecerá o documento a favor dos datos
contidos en bases? Non parece que, se atendemos á referida preocupación
pola constancia, iso poida suceder. Outra cousa é esa mesma constancia
confrontada aos cambios que poidan sufrir os rexistros das bases de datos.
Perderanse ou rexistraranse mediante, por exemplo, metadatos para o
seguimento desas modificacións? Nos casos como o da Seguridade Social,
aludido anteriormente, o volume pode ser enorme…