Actas do Seminario Internacional O futuro da memoria - Arquivos de ...

110
tora pero é doado de implantar e, posto que o código (alfanumérico) figura
no propio documento, pode imprimirse e cotexarse mediante acceso
en liña ao orixinal electrónico, representando unha gran vantaxe nun
contexto de coexistencia de soportes electrónico e papel. Moi utilizado na
AEAT, os seus bos resultados propiciaron que a LAE o impulse no apartado
5 do art. 3057 .
Outra achega da LAE é a configuración legal do expediente electrónico
(arts. 32 LAE e53 RDDPLAE) dado que, respecto do tradicional, a lexislación
non había establecido definición algunha, coa excepción da contida no Regulamento
de organización e funcionamento das entidades locais58 . Como
escribiu SERRA, por primeira vez sobreponse un concepto arquivístico aos
conceptos tecnolóxicos (Serra, 2007) 59 , isto é, o expediente electrónico ou se
contempla dende unha perspectiva non só tecnolóxica senón xurídica, procesual,
o que implica a súa consideración como tal unidade de información,
con independencia de se se trata dun único ficheiro ou dun conxunto de informacións-datos-ficheiros,
dispersos aínda que relacionados mediante o foliado
electrónico (en realidade outro documento electrónico que dá fe do
contido do expediente) e cuxa unión a outros conceptos configura o que se
ven denominando carpeta cidadá60 . O expediente constitúe, pois, un mecanismo
de intercambio, como se denominou en TECNIMAP 2010, precisado
de normalización.
Na espera do desenvolvemento técnico definitivo de, entre outros, o RDE-
NI, é evidente que moito está aínda por decidir ao respecto: formatos, estruturas
de intercambio, tipos de sinatura, esquemas de metadatos…
Un aspecto crítico en relación co expediente electrónico, que creo pendente
de perfilarse con maior claridade, é se debe formarse necesariamente
en todo caso dende o inicio dunha tramitación ou se pode xerarse por demanda
partindo da información conservada en bases de datos61 . Noutras palabras,
como establecer un modelo técnica e legalmente válido que xunte os
modelos docucéntrico e datacéntrico. Quizá un caso aclare esta cuestión.
En TENCIMAP 2010 un alto cargo da Seguridade Social aludiu ao enorme
número de transaccións anuais, que xeran millóns de rexistros nas súas bases
de datos. A partir desas bases o sistema, cando é preciso, produce un expediente
(como exemplo, unha solicitude de fe de vida laboral) co seu correspondente
Código Seguro de Verificación (CSV). Pero, que sucede se un
xuíz solicita «copia do documento orixinal»? Xorden dúas cuestións:
a. A necesidade de crear un expediente electrónico conleva a de conservalo
posteriormente e tal esixencia, confrontada cun volume de millóns