Actas do Seminario Internacional O futuro da memoria - Arquivos de ...

Figura 7: Proceso de
dixitalización (Fonte:
traballo en curso no
ENI).
296
requisitos que se desenvolven na norma de copiado auténtico e conversión.
❚ Un procedemento de dixitalización, pois o procedemento particular debe
ser desenvolvido e implantado por cada organización.
❚ Consideracións para o tratamento de imaxes electrónicas aportadas polos
cidadáns nas súas relacións coas administracións.
❚ Un procedemento con carácter retroactivo para o tratamento de documentos
que fosen dixitalizados con anterioridade á publicación da norma.
❚ Un instrumento para a homologación de aplicacións ou dispositivos de
dixitalización, sen prexuízo de que posibles futuras versións se desenvolvan
considerando tamén a dita finalidade.
Copiado auténtico e conversión
A intención da norma técnica de interoperabilidade de copiado auténtico e
conversión é definir os tipos de copia auténtica, as consideracións para a súa
xeración, os metadatos asociados e soporte e formato que as caracterizan,
así como establecer as condicións que poden motivar a conversión dun documento
electrónico, entendida esta como un cambio de formato, definir as
pautas para executar procedementos deste tipo e os metadatos asociados.
Dito o anterior, pódese entender por copia auténtica, un novo documento
expedido por unha organización con competencias atribuídas para iso,
con valor probatorio pleno sobre os feitos ou actos que documenta, equivalente
ao documento orixinal. A copia auténtica pode consistir na transcrición
do contido do documento orixinal ou nunha copia realizada por calquera
medios informáticos, electrónicos ou telemáticos. Ademais, en cada copia
debe figurar a acreditación da súa autenticidade identificando a organización
que a expide e a persoa responsable de tal expedición. Cómpre lembrar
aquí que o artigo 9.2 do Real decreto 772/1999, de 7 de maio, di que: