Actas do Seminario Internacional O futuro da memoria - Arquivos de ...

cións (ISDF), ámbito no que aínda non está acordado o novo estándar ou formato
de intercambio (Fox, 2008).
Como podemos observar, a arquitectura destes fluxos consistirá nunha
exportación de XML baseados en EAD e os seus formatos complementarios
a partir da “familia de normas do CIA” (ISAD, ISAAR, ISDIAH) dende PARES-
Censo-Guía cara o repositorio OAI do Ministerio de Cultura [OAI-MCU], que
actúa como provedor de servizos2 . A partir desta tecnoloxías proverase de
contidos arquivísticos directamente a APENet mediante o formato Dublín Core.
Pola súa vez, o portal de arquivos europeo proveerá contidos arquivísticos
a EUROPEANA utilizando o formato Dublín Core avanzado [ESE: Europeana
Semantic Elements]. Ademais destes fluxos de información, os arquivos estatais
poden prover tamén información arquivística a través de HISPANA
[http://roai.mcu.es/es/inicio/inicio.cmd], naqueles casos de documentos que
poidan ser susceptibles de analizarse simultaneamente en formatos arquivísticos
como ISAD (G) ou bibliotecarios como ISBN, MARC. Isto estase a realizar
con documentos con formatos especiais como por exemplo a rica colección
de Mapas, Planos e Debuxos do Arquivo Xeral de Simancas (Simancas,
Valladolid), que se integrou primeiro no Catálogo Colectivo da Rede de Bibliotecas
dos Arquivos Estatais do CIDA; e noutro momento se incorporará a importante
colección de Prensa Histórica do Centro Documental da Memoria
Histórica (Salamanca). Unha vez finalizado este proceso de adaptación de PA-
RES nun repositorio OAI, deberase elaborar un protocolo de fluxos de información
e cooperación con outros sistemas de información arquivísticos de España
para propiciar a súa integración en APENet / EUROPEANA a partir da infraestrutura
OAI arquivística do Ministerio de Cultura, especialmente a arquivística.
Neste senso, en 2006 comezou unha nova liña do fomento das axudas
a proxectos arquivísticos sen ánimo de lucro de institucións privadas do
noso país. As institucións beneficiarias comprometíanse a traballar normalizadamente
segundo o estándar arquivístico de ISAD (G) para propiciar a migración
dunha copia dos datos en PARES-OAI. Para iso, dentro do Portal de Arquivos
Españois estase a elaborar un micrositio específico para estes arquivos
privados, e a partir de aquí calquera institución que provea datos arquivísticos
dos seus fondos terá unha posibilidade de estar presente en APENet, aumentando
a súa visibilidade social, ademais da xa proporcionada polo Censo-Guía
e por PARES. O mantemento e a xestión destas plataformas arquivísticas abertas
faise por parte do Ministerio de Cultura, buscando sempre a aportación
constante de contidos culturais de calidades no entorno da Internet.
Os metadatos interoperables serán definidos por APENet, supoñéndose
que serán todos ou parte dos campos obrigatorios de ISAD (G): Arquivo, Título,
Signatura, Nivel descritivo, Soporte e Volume, e Rexistro de autoridade,
393